Gujarati News

શ્રીકૃષ્ણ જન્મભૂમિ - ઇદગાહ પ્રકરણ

મથુરા, તા.૧૩:  મથુરામાં શાહી મસ્જિદ ઇદગાહના વિવાદ બાદ વધુ એક નવો મામલો સામે આવ્યો છે. અખિલ ભારત હિન્દુ મહાસભાના રાષ્ટ્રીય ખજાનચી દિનેશ શર્માએ ઠાકુર કેશવદેવની ૧૩.૩૭ એકર જમીનમાં શ્રી કૃષ્ણના જન્મસ્થળની નજીક આવેલી બીજી મસ્જિદનું વર્ણન કર્યું છે. કોર્ટમાં દાવો કરવામાં આવ્યો છે કે આ મસ્જિદ ગેરકાયદેસર અતિક્રમણ છે. તાજેતરમાં તેના પર નવું બાંધકામ પણ કરવામાં આવ્યું છે જે ખોટું છે. તેને દૂર કરવા માટે કોર્ટને કહ્યું.

મહાસભાના ખજાનચીએ સિવિલ જજ સિનિયર ડિવિઝનની કોર્ટમાં રજૂ કરેલા દાવામાં કહ્યું છે કે ઔરંગઝેબે શ્રી કૃષ્ણ જન્મભૂમિ મંદિરને તોડી પાડ્યું હતું અને અતિક્રમણ તરીકે શાહી ઈદગાહ ઊભી કરી હતી.

તે પછી ઔરંગઝેબના વંશજોએ શ્રી કૃષ્ણ જન્મભૂમિ મંદિરની પૂર્વ સીમા પર કહેવાતી મીના મસ્જિદનું નિર્માણ કર્યું જે ખોટું છે અને તેને આ જમીન પરથી હટાવવી જોઈએ. તેમના દ્વારા કરવામાં આવેલા દાવામાં સુન્ની વકફ બોર્ડ ઉપરાંત મીના મસ્જિદના સચિવને પક્ષકાર બનાવવામાં આવ્યા છે. કોર્ટે દાવા પર સુનાવણી માટે ૨૬ ઓકટોબરની તારીખ નક્કી કરી છે.

કાશી વિશ્વનાથના કેસમાં કોર્ટનો નિર્ણય આવકાર્ય છે. આ જ નિર્ણય બાદ મથુરાની કોર્ટ પણ પોતાનો નિર્ણય આપશે અને વિપક્ષની ૭ નિયમ ૧૧ની અરજીઓને ફગાવી દેશે.

- દિનેશ શર્મા, રાષ્ટ્રીય ખજાનચી અખિલ ભારતીય હિંદુ મહાસભા

કાશી વિશ્વનાથના નિર્ણય પર કોર્ટમાં અરજી કરવામાં આવશે

હમ કાશી વિશ્વનાથમાં શૃંગાર ગૌરીના કેસમાં અદાલતે દલીલો બાદ ૭ નિયમ ૧૧ને ફગાવી દીધો છે અને કેસની સુનાવણી શરૃ થઈ ગઈ છે. અમને આ કેસની કોપી મળી રહી છે અને મંગળવારે કોર્ટને કોપી સોંપીશું. આ નિર્ણયથી હિન્દુઓના દાવાને સમર્થન મળ્યું છે.

એડવોકેટ મહેન્દ્ર પ્રતાપ સિંહ, પ્રમુખ શ્રી કૃષ્ણ જન્મભૂમિ મુકિત ન્યાસ.