Gujarati News

મુંબઇ તા. ૧૫: એક્‍ટર અને પોતાને ફિલ્‍મ ક્રિટીક્‍સ તરીકે ઓળખાવતાં કેઆરકેને દસ દિવસ જેલમાં રહેવું પડયું હતું. જેલમાંથી છુટયા પછી તેણે તાજેતરમાં ટ્‍વિટ કરીને લખ્‍યું હતું કે-દેશમાં સુરક્ષિત રહેવા માટે નેતા હોવું જરૂરી છે. તેના આ ટ્‍વિટ પર અનેક લોકોએ પ્રતિક્રિયા આપી હતી.

કેઆરકેએ લખ્‍યું કે-હું ઝડપથી રાજકારણ સાથે જોડાઇ જવાનું વિચારી રહ્યો છું. કારણ કે દેશમાં સુરક્ષિત રહેવા માટે નેતા હોવું જરૂરી છે, અભિનેતા નહિ. કેઆરકેના આ ટ્‍વિટ પર લોકો તેને રાજકારણમાં કઇ પાર્ટીમાં સામેલ થવું તેન સુચન આપી રહ્યા છે. તો બીજી તરફ અમુકે હમેંશાની જેમ કેઆરકેને ઝાટકી નાંખ્‍યો છે. મોહમ્‍મદ સિદ્દિકરે લખ્‍યું છે કે-તમને અલિખિત નિયમ અને શરત પર જેલમાંથી છોડવામાં આવ્‍યા છે. બોલીવૂડમાં તમારું એટલુ જ યોગદાન છે જેટલુ મોદીનું યુક્રેન અને રૂસ વચ્‍ચેનું યુધ્‍ધ રોકવામાં હતું.

ઋષી બાગડીએ લખ્‍યું-ભાઇ તુ જ્‍યાં છો ત્‍યાં જ યોગ્‍ય છો. ત્‍યાં બેસીને ઉધઇની જેમ બોલીવૂડને ખોખલુ કરતાં રહો. અસિત નામના યુઝરે લખ્‍યું-સીધુ બોલ ને કે બોલીવૂડવાળાએ તને બરબાદ કરી દીધોઉ હવે તેના વિરૂધ્‍ધ કંઇપણ બોલવું એ તારા માટે ખરાબ સપના સમાન છે.

કેઆરકેની તેના ૨૦૨૦ના એક વિવાદીત ટ્‍વિટને કારણે ધરપકડ થઇ હતી અને જેલમાં જવું પડયું હતું. જો કે આ ટ્‍વિટ થોડા કલાકમાં ડિલીટ પણ કરી નાંખી હતી. ૨૯મી ઓગષ્‍ટે તેની મુંબઇ એરપોર્ટ પરથી મલાડ પોલીસે ધરપકડ કરી હતી. એ પછી એક અભિનેત્રના શોષણના કેસમાં પણ ધરપકડ થઇ હતી. જો કે તેમાં તેને જામીન મળ્‍યા હતાં.