News of Thursday, 16th March 2023
ગાઝીયાબાદ,તા.૧૬: યુપીના ગાઝિયાબાદમાં ૪ વર્ષની માસૂમ બાળકી સાથે પાડોશમાં રહેતા શખ્સે કથિત રીતે દુષ્કર્મ આચર્યા બાદ હત્યા કરી હોવાની ઘટના બની હતી. ગત વર્ષે પિતાનું નિધન થયા બાદ માતા તેને તરછોડીને જતી રહી હતી અને પાડોશમાં રહેતા શખ્સની પત્નીએ તેનો ઉછેર કરવાની જવાબદારી લીધી હતી. છેલ્લા એક વર્ષથી નાનકડી બાળકી આરોપી અને તેની પત્ની ભેગી રહેતી હોવાનું પોલીસે જણાવ્યું હતું. તે તેમની સાથે રહેતી હોવાથી રોજીંદા ખર્ચમાં વધારો થયો હતો અને આ કારણથી આરોપી નાની-નાની ભૂલમાં તેને રોજ મારતો હતો અને શારીરિક શોષણ પણ કરતો હતો, તેમ પોલીસે ઉમેર્યું હતું. રવિવારે સવારે પંચશીલ કોલોનીથી ૩ કિમી દૂર આવેલા ખેતરમાંથી આ બાળકની લાશ મળી આવી હતી. ઓટોપ્સીમાં તેની પર રેપ, વારંવાર મારઝૂડ અને ત્યારબાદ ગળું દબાવવાામાં આવ્યું હોવાનો ખુલાસો થયો હતો.
શનિવારે બપોરે ટ્યુશન ક્લાસમાં ગયા બાદ ઘરે પરત ન ફરી હોવાનો આરોપી અને તેની પત્નીએ દાવો કરતાં પોલીસે આ કેસની તપાસ શરૂ કરી હતી. જયારે પોલીસની ટીમે બાળકીના ઘરે બેન્ઝિડિન ટેસ્ટ કરાવ્યો- જયાં આરોપી પણ રહેતો હતો-ત્યારે તેમને ત્યાં ફલોર પર લોહીના નિશાન જોવા મળ્યા હતા. તે વિસ્તારમાં મોબાઈલની દુકાન ચલાવતા આરોપીએ બાળકી ટ્યુશન ક્લાસથી પરત ફરી ન હોવાનું કહ્યું હતું તો તેના બંને બાળકોએ એ દિવસે તે ક્લાસિસ પર ગઈ હતી કે નહીં તે અંગે ખબર નહોવાનું કહ્યું હતું. આમ પોલીસને તેના પરની શંકા વધુ મજબૂત બની હતી.
જ્યારે અમે સીસીટીવી ફૂટેજ તપાસ્યા ત્યારે અમને આરોપી અને તેનો એક મિત્ર રવિવારે સવારે ૩ વાગ્યાની આસપાસ સ્કૂટર પર એક બોરી લઈને જતા જોવા મળ્યા હતા. તેઓ લાશનો નિકાલ કરવાનો પ્રયાસ કરી રહ્યા હતા. સમય પરથી અમને શંકા ગઈ હતી અને તેની અટકાયત કરી હતી, પૂછપરછ દરમિયાન તેણે ગુનાની કબૂલાત કરી હતી', તેમ ડીસીપી વિવેક ચંદ્ર યાદવે જણાવ્યું હતું.
પૂછપરછ દરમિયાન આરોપીએ જણાવ્યું હતું કે, તેણે તેની પત્ની અને દીકરાને મોબાઈલ શોપ સંભાળવા માટે મોકલી દીધા હતા. તેણે તેની દીકરીને ૫૦ રૂપિયા આપ્યા હતા અને નજીકની દુકાનમાં કેટલીક વસ્તુઓ લઈ આવવા માટે કહ્યું હતું. ‘ત્યારબાદ તેણે તેના પર રેપ કર્યો હતો, જે તેને કાકા કહીને બોલાવતી હતી. જયારે તેણે બધાને કહી દેવાની ધમકી આપી તો આરોપીએ તેને વારંવાર થપ્પડ મારી હતી અને મોં બંધ રાખવા માટે કહ્યું હતું. તેણે માત્ર રેપ જ નહીં પરંતુ હત્યા પણ કરી હતી. ત્યારબાદ આરોપીએ તેની લાશને પૂજાઘરના એક ખૂણામાં સંતાડી દીધી હતી. હત્યાની રાતે મિત્ર સાથે મળીને તેણે લાશનો નિકાસ કર્યો હતો', તેમ એસીપી ભાસ્કર વર્માએ કહ્યું હતું. આરોપી અને તેના મિત્રની મંગળવારે ધરપકડ કરવામાં આવી હતી.
પોલીસના જણાવ્યા પ્રમાણે, વધારે પડતો દારુ પીવાના કારણે ગત વર્ષે જાન્યુઆરીમાં બાળકીના પિતાનું મોત થયું હતું. પાડોશમાં રહેતા પરિવાર સાથે મૈત્રીપૂર્ણ સંબંધો હોવાથી તે અને તેની માતા થોડો સમય તેમની સાથે રહ્યા હતા. ‘તેની માતાને માનસિક સમસ્યા થઈ હતી અને એક દિવસ ઘર છોડીને જતી રહી હતી. પરંતુ આરોપીની પત્ની બાળકીનો ઉછેર અને કાયકાદીય રીતે તેને દત્તક લેવા માગતી હતી. તેના પતિને આ વાત ગમી નહોતી. તે તેની સાથે ખરાબ વર્તન કરતો હતો અને મારતો હતો', તેમ વર્માએ ઉમેર્યું હતું.
.png)
છેલ્લા 8 દિવસમાં સૌથી લોકપ્રિય
સૌરાષ્ટ્ર કચ્છ
સમાચાર ગુજરાત
દેશ-વિદેશ
ખેલ-જગત
ફિલ્મ જગત