Gujarati News

નવી દિલ્‍હી તા. ૧૬ : ભારતમાં સુખનું સ્‍તર સતત ત્રણ વર્ષથી વધ્‍યું છે. તે ૨૦૨૦માં ૬૬ ટકા અને ૨૦૨૧માં ૮૨ ટકા હતું જે ગયા વર્ષે ૮૪ ટકા થયું હતું. જોકે, એક દાયકાની સરખામણીએ ખુશીના ગ્રાફમાં ત્રણ આંકડાનો ઘટાડો જોવા મળ્‍યો છે. રિપોર્ટમાં જીવન સાથે સંબંધિત ૩૦ મહત્‍વપૂર્ણ પાસાઓનો અભ્‍યાસ કરવામાં આવ્‍યો અને જાણવા મળ્‍યું કે ૮૦ ટકા ભારતીયો વ્‍યક્‍તિગત સલામતીથી સંતુષ્ટ છે, ૮૩ ટકા મનોરંજન પ્રવૃત્તિઓથી સંતુષ્ટ છે, ૮૦ ટકા રોજગારની સ્‍થિતિથી અને ૭૮ ટકા જીવનધોરણથી સંતુષ્ટ છે.

સરેરાશ, વિશ્વભરમાં ચારમાંથી ત્રણ પુખ્‍ત વયના લોકો અથવા ૭૩ ટકા, હાલમાં ખુશ છે. માર્કેટ રિસર્ચ કંપની ઇપ્‍સોસના નવા સર્વે અનુસાર, સૌથી વધુ સુખી સ્‍તર ધરાવતા દેશોમાં અનુક્રમે ચીન, સાઉદી અરેબિયા, નેધરલેન્‍ડ, ભારત અને બ્રાઝિલ છે.

વૈશ્વિક દેશોમાં સતત બીજા વર્ષે ખુશીમાં વધારો થયો છે. વર્ષ ૨૦૨૨માં ખુશીનું સ્‍તર ૨૦૨૧ની સરખામણીમાં છ પોઈન્‍ટ અને ૨૦૨૦ની સરખામણીમાં ૧૦ પોઈન્‍ટ્‍સ વધ્‍યું છે. આ સર્વે વિશ્વના ૩૨ દેશોમાં કરવામાં આવ્‍યો હતો.

વૈશ્વિક સ્‍તરે ફક્‍ત ૭૨% લોકો પાસે મિત્રો અથવા સંબંધીઓ છે જેનો તેઓ વિશ્વાસ કરે છે. જાપાન, બ્રાઝિલ, દક્ષિણ કોરિયા અને ઓછી આવક ધરાવતા દેશોમાં, લોકો પાસે જરૂરિયાતના સમયે કોઈ આશ્રય નથી. સાઉદી અરેબિયા, ચીન, શ્‍ખ્‍ચ્‍ અને ભારતના લોકોને આશા છે કે આવનારા સમયમાં તેઓને એવા મિત્રો મળશે જેના પર તેઓ વિશ્વાસ કરી શકે.

ઉચ્‍ચ આવક ધરાવતા દેશો કરતાં મધ્‍યમ આવક ધરાવતા દેશોમાં સુખના સ્‍તરમાં વધારો વધુ સ્‍પષ્ટ હતો. ૨૦૧૧ પછી પ્રથમ વખત મધ્‍યમ આવક ધરાવતા દેશોએ આયુષ્‍યના સંદર્ભમાં ઉચ્‍ચ આવક ધરાવતા દેશોને પાછળ છોડી દીધા છે. જીવનના તમામ પાસાઓમાં, લોકો બાળકો, જીવનસાથી, સંબંધીઓ, મિત્રો, સહકાર્યકરો અને પ્રકૃતિ સાથેના સંબંધોથી સૌથી વધુ સંતુષ્ટ હતા, જયારે વૈશ્વિક સામાજિક, આર્થિક અને રાજકીય સ્‍થિતિ તેમજ શારીરિક પ્રવૃત્તિ સાથે સૌથી નીચા હતા.