Gujarati News

નવી દિલ્‍હી, તા.૧૭: તહેવારોની સિઝનમાં લગભગ ૨.૫ લાખ કરોડ રૂપિયાનો બિઝનેસ થવાની ધારણા છે. તહેવારો પૂરા થયા બાદ દેશમાં ૧૪ નવેમ્‍બરથી લગ્નની સિઝન શરૂ થઈ રહી છે, જે આવતા વર્ષે જૂન-જુલાઈ સુધી ચાલશે. વેપારીઓના સંગઠન ઘ્‍ખ્‍ત્‍વ્‍એ આશા વ્‍યક્‍ત કરી છે કે આ વર્ષે ૩૧ ડિસેમ્‍બર સુધીમાં દેશમાં ૨૫ લાખથી વધુ લગ્નો થવાની ધારણા છે, જેમાં લગભગ ૩ લાખ કરોડ રૂપિયાનો બિઝનેસ થશે. એટલે કે તહેવારોની સિઝન બાદ લગ્નની સિઝનમાં પણ બજાર ધમધમતું રહેશે.

બે-ત્રણ વર્ષ સુધી કોરોનાથી પ્રભાવિત થયા બાદ લગ્નની મોસમ ફરી એકવાર વેગ પકડી છે. હોટેલ ઈન્‍ડસ્‍ટ્રીના જણાવ્‍યા અનુસાર આ વર્ષે લગ્ન માટે દેશમાં ૮૦% થી વધુ વેડિંગ વેન્‍યુ અને બેન્‍ક્‍વેટ હોલ અગાઉથી બુક થઈ ગયા છે. તે જ સમયે, ગયા વર્ષ કરતાં આ વર્ષે લગ્નના સ્‍થળોનું બુકિંગ ૩૦% વધુ થયું છે. મનીષા દિવાને, મેરિયોટ ઇન્‍ટરનેશનલ હોટેલ્‍સે જણાવ્‍યું હતું કે, આ વર્ષે વેડિંગ બિઝનેસ પ્રી-કોવિડ લેવલને વટાવી ગયો છે અને બિઝનેસમાં ૪૦% વળદ્ધિ થવાની ધારણા છે.

ભારતીય લગ્ન બજારઃ અત્‍યારે દેશમાં દર વર્ષે લગભગ ૧.૧૦ કરોડ લગ્નો થાય છે. Mautrimony.com અનુસાર, તે દર વર્ષે ૨૫% વધી રહી છે. ભારતમાં લગ્નોનું માર્કેટ ૮ લાખ કરોડનું છે, જે આગામી ૧૦ વર્ષમાં ૪૧ લાખ કરોડનું થઈ શકે છે.

મહાનગરો અને મોટા શહેરોની સાથે, જયપુર, ઇન્‍દોર, આગ્રા, પટના જેવા ટાયર-૨ અને ટાયર-૩ શહેરો તેમજ નાના શહેરોમાં હોટેલ બુકિંગમાં ૨૫ થી ૩૦ ટકાનો વધારો થયો છે. જ્‍યારે દુબઈ, ઈટાલી, યુએસએ, થાઈલેન્‍ડ, સિંગાપોર અને ફ્રાન્‍સમાં ડેસ્‍ટિનેશન ઈન્‍ક્‍વાયરીમાં ૬૦્રુનો વધારો જોવા મળ્‍યો છે.