Gujarati News

નવી દિલ્હી, તા. ૧૭ : ભારત અને પાકિસ્તાનના વિભાજનને લઈને બ્રિટિશ સરકારના ઘણા રહસ્યો ટૂંક સમયમાં ખુલી શકે છે. વાસ્તવમાં યુકે ની કોર્ટમાં સુનાવણી થવાની છે. જેમાં ભારતના છેલ્લા વાઇસરોય લોર્ડ માઉન્ટબેટનની ડાયરી અને કેટલાક પત્રોને સાર્વજનિક કરવા અંગે આ સપ્તાહે નિર્ણય લેવામાં આવશે.

ન્યાયાધીશ સોફી બકલી ૧૯૩૦ ના દાયકાથી જાહેર ડાયરીઓ અને પત્રવ્યવહાર કરવા પર માહિતી અધિકાર ટ્રિબ્યુનલ (RTI)ની અધ્યક્ષતા કરી રહ્યા છે. આ અંગે શુક્રવાર સુધીમાં સુનાવણી હાથ ધરાશે. બ્રિટિશ-ભારતીય ઇતિહાસમાં આ એક મહત્વપૂર્ણ સમયગાળો છે, જેમાં માઉન્ટબેટન ભારતના ભાગલાની દેખરેખ રાખતા હતા.

તેમાં લોર્ડ લુઈસ અને લેડી એડવિના માઉન્ટબેટન બંનેના અંગત ડાયરીઓ અને પત્રો પણ છે. બ્રિટનની કેબિનેટ ઓફિસે કહ્યું છે કે તે કાગળોમાંની મોટાભાગની માહિતી પહેલાથી જ સાર્વજનિક છે અને ભારત અને પાકિસ્તાનના કોઈપણ ગોપનીય પાસાઓનો ખુલાસો અન્ય દેશો સાથેના બ્રિટનના સંબંધોને અસર કરશે. ઈતિહાસકાર અને ધ માઉન્ટબેટનૅં ધ લાઈવ્સ એન્ડ લવ્સ ઓફ ડિકી એન્ડ એડવિના માઉન્ટબેટનના લેખક, એન્ડ્રુ લૂની, તમામ દસ્તાવેજોને સાર્વજનિક કરવા માટે ચાર વર્ષથી લડી રહ્યા છે.

૨૦૧૧ માં, યુનિવર્સિટી ઓફ સાઉધમ્પ્ટનએ માઉન્ટબેટન પરિવાર પાસેથી બ્રોડલેન્ડ્સ નામના દસ્તાવેજો ખરીદ્યા. આ માટે ૨૮ લાખ બ્રિટિશ પાઉન્ડના પબ્લિક ફંડનો ઉપયોગ કરવામાં આવ્યો હતો. તેની પાછળનો હેતુ આ દસ્તાવેજોને સાર્વજનિક કરવાનો હતો. જોકે, તે સમયે યુનિવર્સિટીએ કેબિનેટ ઓફિસને કેટલાક પત્રો મોકલ્યા હતા.

આ ક્રમમાં, તે પત્રોને પણ સાર્વજનિક કરવા માટે કહેવામાં આવ્યું હતું, જે લેડી માઉન્ટબેટને ભારતના પ્રથમ વડાપ્રધાન જવાહરલાલ નેહરુને લખ્યા હતા. ૧૯૪૮ થી ૧૯૬૦ વચ્ચે લખેલા પત્રોની કુલ ૩૩ ફાઈલો હતી. આમાં નેહરુએ એડવિના માઉન્ટબેટનને લખેલા પત્રોનો સમાવેશ થાય છે.

સાઉધમ્પ્ટન યુનિવર્સિટીએ જવાબ આપતા કહ્યું કે નેહરુ અને લેડી માઉન્ટબેટન વચ્ચેનો પત્રવ્યવહાર હજુ પણ અંગત કબજામાં હતો અને તે ગોપનીય હતો, પરંતુ યુનિવર્સિટીને તેમાં વધુ રસ હતો. આ અંગેનો નિર્ણય હજુ બાકી હતો જેની સુનાવણી આ અઠવાડિયે થવાની છે. આ અંગેનો નિર્ણય હજુ બાકી હતો જેની સુનાવણી આ અઠવાડિયે થવાની છે. આ દસ્તાવેજોને સાર્વજનિક કરનાર એર્ન્ડ્યુ લોનીનું કહેવું છે કે તેણે પોતાની તમામ બચત આ કેસમાં લગાવી દીધી છે અને ક્રાઉડફંડિંગ દ્વારા ૫૪ હજાર બ્રિટિશ પાઉન્ડ પણ ખર્ચ્યા છે. આ ખૂબ જ મહત્વપૂર્ણ દસ્તાવેજો છે અને તેને સાર્વજનિક ન કરવું એ સત્તાનો દુરુપયોગ અને માહિતીના અધિકારનું ઉલ્લંઘન છે.