Gujarati News

ભરતપુર, તા.૧૭ ઃ રાજસ્થાનના ભરતપુર જિલ્લામાં રવિવારે હાઈવોલ્ટેજ ડ્રામા જોવા મળ્યો હતો. અહીં જયપુર પોલીસમાં કોન્સ્ટેબલ તરીકે તૈનાત સુરેન્દ્ર નામનો વ્યક્તિને તેની પત્નીએ ગર્લફ્રેન્ડ સાથે રંગે હાથે ઝડપાયો હતો. આ પછી પત્નીએ પતિ અને તેની પ્રેમિકાને ચપ્પલ અને થપ્પડ વડે માર મારવાનું શરૃ કર્યું. આ બનાવ જોઈને લોકો ઘટનાસ્થળે એકઠા થઈ ગયા હતા અને દરમિયાનગીરી કરી હતી. આ પછી બંને પક્ષોમાં મામલો શાંત થયો અને તેઓને ત્યાંથી પોતપોતાના ઘરે મોકલી દેવામાં આવ્યા હતા.

હકીકતમાં મથુરા ગેટ પોલીસ સ્ટેશન વિસ્તારમાં સ્થિત ક્રિષ્ના કોલોનીમાં રહેતા સુરેન્દ્ર જયપુર પોલીસમાં કોન્સ્ટેબલ તરીકે તૈનાત છે. અહીંની એક ખાનગી હોસ્પિટલમાં કામ કરતી એક મહિલા સાથે સુરેન્દ્રનો પ્રેમસંબંધ ઘણા સમયથી ચાલી રહ્યો હતો. જેથી સુરેન્દ્રની પત્નીને તેના પતિ પર ઘણા સમયથી શંકા હતી. સુરેન્દ્રએ તેની પત્નીને ફોન પર કહ્યું કે હું મારા મિત્રો સાથે જયપુરથી ગોવર્ધન પરિક્રમા કરવા જાઉં છું, પરંતુ પત્ની તેના પરિવાર સાથે મળીને તેનો પીછો કર્યો હતો.

આ પછી પતિ અને તેની પ્રેમિકા રંગે હાથે ઝડપાઈ ગયા. આ દરમિયાન ગર્લફ્રેન્ડના પર્સમાંથી અનેક પ્રકારની વાંધાજનક સામગ્રી પણ મળી આવી હતી. જ્યારે પોલીસ કોન્સ્ટેબલ સુરેન્દ્ર ગુપ્ત રીતે તેની પ્રેમિકાને સ્કૂટી પર સવારી થઈ મથુરાના ગોવર્ધન જઈ રહ્યો હતો. ત્યારે પીછો કરતી પત્નીએ તેને કંજૌલી લાઇન ઓવર બ્રિજ પાસે પકડી લીધો હતો. ત્યાં પત્નીએ તેના સંબંધીઓ સાથે મળીને પતિ અને તેની પ્રેમિકાની ધોલાઈ કરી હતી. મહિલાના પરિવારજનોએ જણાવ્યું કે સુરેન્દ્રને એક મહિલા સાથે લાંબા સમયથી પ્રેમ સંબંધ હતો, જેના પર બધાને શંકા હતી. સુરેન્દ્ર સામાન્ય રીતે જયપુરમાં રહેતો હતો અને અહીં છુપાઈને આવતો હતો અને તેની ગર્લફ્રેન્ડ સાથે ગુપ્ત જગ્યાએ રહેતો હતો. પ્રેમિકા પરિણીત છે, જે ખાનગી હોસ્પિટલમાં નર્સ છે. સુરેન્દ્ર પણ પરિણીત છે જેના બાળકો પણ ઘણા મોટા થયા છે. આ સમગ્ર પ્રકરણમાં હાલમાં સુરેન્દ્રને સમજણ આપવામાં આવી રહી છે. સંબંધીઓનું કહેવું છે કે જો સુરેન્દ્ર ના માવ્યો તો પોલીસમાં ફરિયાદ કરવામાં આવશે.