Gujarati News

ઈસ્‍લામાબાદ, તા.૧૮: પાકિસ્‍તાનમાં સત્તા પરિવર્તન થયું છે. શેહબાઝ શરીફે સત્તા સંભાળી છે. પરંતુ હવે પાકિસ્‍તાનની પ્રથમ મહિલા કોણ હશે તે અંગે સવાલો ઉઠી રહ્યા છે. હકીકતમાં પાકિસ્‍તાનમાં રાષ્ટ્રપતિ અને વડાપ્રધાન બંનેની પત્‍નીઓને પાકિસ્‍તાનની પ્રથમ મહિલા તરીકે સંબોધવામાં આવે છે. શાહબાઝ શરીફે પાંચ લગ્ન કર્યા છે, જેમાંથી બે હજુ અકબંધ છે, તેથી ફર્ટ લેડી કોને કહેવી તે અંગે શંકા છે. જો કે, જયારે શાહબાઝ શરીફ માત્ર નેશનલ એસેમ્‍બલીના સભ્‍ય હતા, ત્‍યારે તેમને તેમના ઘરનું સરનામું મોડલ ટાઉન લાહોર મળ્‍યું હતું. બીબીસીના અહેવાલ મુજબ, જયારે પ્રથમ મહિલાને તેમના સરનામાં પર સંપર્ક કરીને સંબંધિત પ્રશ્ન પૂછવામાં આવ્‍યો, ત્‍યારે સ્‍પષ્ટપણે કહેવામાં આવ્‍યું કે તેમને આ વિશે ખબર નથી, આ માટે પીએમ હાઉસ સાથે વાત કરો. તે જ સમયે, જયારે પીએમ હાઉસ દ્વારા પૂછવામાં આવ્‍યું કે, પ્રોટોકોલ અને પીએસઓ ઓફિસ બંનેએ એકબીજા પર જવાબદારી નાખી અને સ્‍પષ્ટ કહ્યું કે તેઓ જાણતા નથી કે પ્રથમ મહિલા કોણ છે.