Gujarati News

નવી દિલ્લીઃ સ્પાઇસજેટ તેની સેવાઓનું સતત વિસ્તરણ કરી રહી છે. કોવિડ-19ના કેસમાં ઘટાડો થયા બાદ હવાઈ મુસાફરોની સંખ્યામાં ભારે વધારો થયો છે. આ ઉપરાંત, આંતરરાષ્ટ્રીય ફ્લાઇટ્સ પરનો પ્રતિબંધ હટાવવાની સાથે, ઘણા દેશોમાં મુસાફરી કરતા મુસાફરોની સંખ્યામાં પણ વધારો થયો છે. આને ધ્યાનમાં રાખીને, હવે સ્પાઇસજેટે 26 એપ્રિલથી ઘણી નવી ફ્લાઇટ્સ શરૂ કરવાનો નિર્ણય લીધો છે.

કંપની ડોમેસ્ટિક અને ઈન્ટરનેશનલ બંને રૂટ પર નવી ફ્લાઈટ્સ શરૂ કરવા જઈ રહી છે. આ વિશે માહિતી આપતા સ્પાઈસજેટે કહ્યું કે તે આ નવા રૂટ પર બોઈંગ 737 અને Q400 એરક્રાફ્ટનું સંચાલન કરશે. જે નવી ફ્લાઈટ્સ શરૂ કરવામાં આવશે તેમાં 2 એવી ફ્લાઈટ્સ છે, જે હાલમાં દેશમાં કોઈપણ એરલાઈન્સ દ્વારા ઓપરેટ કરવામાં આવતી નથી. આ સિવાય કેટલાક રૂટ પર ફ્લાઈટ્સની ફ્રિકવન્સી પણ વધારવામાં આવશે.

સ્પાઈસજેટના સીઓઓ શિલ્પા ભાટિયાએ જણાવ્યું હતું કે કંપની ડોમેસ્ટિક અને ઈન્ટરનેશનલ રૂટ પર નવી ફ્લાઈટ્સ શરૂ કરવા જઈ રહી છે. હવે અર્થતંત્ર રોગચાળામાંથી બહાર આવ્યું છે. આનાથી સ્પાઇસજેટને ઉડ્ડયન ક્ષેત્રમાં સ્થાનિક અને આંતરરાષ્ટ્રીય સ્તરે તેની હાજરી સ્થાપિત કરવામાં મદદ મળશે.ભાટિયા કહે છે કે જે નવા રૂટ પર ફ્લાઈટ્સ શરૂ કરવાનો નિર્ણય લેવામાં આવ્યો છે તે ધાર્મિક, પર્યટન અને બિઝનેસના દૃષ્ટિકોણથી ખૂબ જ મહત્વપૂર્ણ છે.

આ ફ્લાઈટ્સથી માત્ર યાત્રાળુઓને જ ફાયદો થશે નહીં, પરંતુ પ્રવાસીઓ અને વ્યવસાયિક દૃષ્ટિકોણથી મુસાફરી કરતા લોકોને પણ ઘણી સગવડ મળશે. ભાટિયા કહે છે કે વધતી માંગને પહોંચી વળવા માટે આ ફ્લાઈટ્સ ચલાવવાનો નિર્ણય લેવામાં આવ્યો છે. આ સ્પાઇસજેટને તેના સ્થાનિક અને આંતરરાષ્ટ્રીય નેટવર્કને વધુ મજબૂત કરવામાં મદદ કરશે.

 આ ફ્લાઈટ્સ શરૂ થશે

નોન સ્ટોપ રૂટ્સ: અમદાવાદ-મસ્કત, મુંબઈ-ઢાકા, કોઝિકોડ-જેદ્દાહ, કોઝિકોડ-રિયાધ, મુંબઈ-રિયાધ અને મુંબઈ-જેદ્દાહ.

ડોમેસ્ટિક રૂટ્સ: અમદાવાદ-ગોવા, અમદાવાદ-બાગડોગરા, અમદાવાદ-શિરડી, મુંબઈ-તિરુપતિ અને મુંબઈ-ગુવાહાટી.