Gujarati News

નાસિક: અઝાન અને હનુમાન ચાલીસા વિવાદ વચ્ચે નાસિક પ્રશાસને એક મહત્વનો નિર્ણય લીધો છે. નાસિકમાં લાઉડ સ્પીકર પર હનુમાન ચાલીસા કે ભજન વગાડવા માટે મંજૂરી લેવી પડશે. સાથે જ એમ પણ કહેવામાં આવ્યું છે કે, અઝાન પહેલા અને બાદમાં 15 મિનિટની અંદર આ માટે મંજૂરી નહીં મળે. મસ્જિદના આજુબાજુના 100 મીટરના ક્ષેત્રમાં આ માટે મંજૂરી નહીં મળે.

નાસિક પોલીસ કમિશનર દીપક પાંડેએ જણાવ્યું કે, હનુમાન ચાલીસા કે ભજન વગાડવા માટે મંજૂરી લેવી પડશે. અઝાનની 15 મિનિટ પહેલા અને બાદમાં આ માટેની મંજૂરી નહીં મળે. તેમના કહેવા પ્રમાણે શાંતિ અને વ્યવસ્થા જાળવી રાખવા માટે આ નિર્ણય લેવામાં આવ્યો છે.

દીપક પાંડેના આદેશ પ્રમાણે 3 મે સુધી એટલે કે, ઈદ સુધી તમામ ધાર્મિક સ્થળોએ લાઉડ સ્પીકરના ઉપયોગ માટે મંજૂરી લેવી પડશે. 3 મે બાદ જો કોઈ નિયમનું ઉલ્લંઘન કરતા પકડાશે તો તેના વિરૂદ્ધ આકરી કાર્યવાહી કરવામાં આવશે.