Gujarati News

ન્યુદિલ્હી : એન્ફોર્સમેન્ટ ડિરેક્ટોરેટ દ્વારા જારી કરવામાં આવેલા નિવેદનમાં કહેવામાં આવ્યું છે કે, 'એમવે ઈન્ડિયા લોકોને જણાવતું હતું કે તેઓ નવા સભ્યોને જોડીને કેવી રીતે અમીર બની શકે છે. આના દ્વારા કોઈ ઉત્પાદનનું વેચાણ થતું  ન હતું.

એન્ફોર્સમેન્ટ ડિરેક્ટોરેટે ડાયરેક્ટ માર્કેટિંગ કંપની એમવેની રૂ. 757.77 કરોડની મિલકતો જપ્ત કરી છે. આ કંપની પર લોભામણા વચનો આપીને લાખો લોકોને પોતાની સ્કીમ વેચીને કરોડો રૂપિયાની કમાણી કરવાનો આરોપ છે. એન્ફોર્સમેન્ટ ડિરેક્ટોરેટ દ્વારા સોમવારે જારી કરવામાં આવેલા એક નિવેદનમાં કહેવામાં આવ્યું છે કે, 'એમવે ઈન્ડિયા લોકોને જણાવતું હતું કે તેઓ નવા સભ્યોને કેવી રીતે જોડીને અમીર બની શકે છે. આના દ્વારા કોઈ ઉત્પાદનનું વેચાણ થયું ન હતું. EDએ કહ્યું કે કેટલાક ઉત્પાદનોનો ઉપયોગ એ બતાવવા માટે કરવામાં આવ્યો હતો કે Amway કંપની ડાયરેક્ટ સેલિંગમાં વ્યસ્ત છે

ED દ્વારા મની લોન્ડરિંગ એક્ટ હેઠળ કંપનીની મિલકતો જપ્ત કરવામાં આવી છે. EDએ જે મિલકતો જપ્ત કરી છે તેમાં તમિલનાડુના ડિંડીગુલ જિલ્લામાં આવેલી કંપનીની ફેક્ટરી બિલ્ડિંગનો સમાવેશ થાય છે. આ સિવાય પ્લાન્ટ અને મશીનરી, વાહનો, બેંક ખાતા અને ફિક્સ ડિપોઝીટનો સમાવેશ થાય છે. અગાઉ, AJC એ કંપનીની રૂ. 411.83 કરોડની જંગમ અને સ્થાવર મિલકતો જપ્ત કરી હતી. એટલું જ નહીં, 36 અલગ-અલગ ખાતાઓમાંથી 345.94 કરોડ રૂપિયાની રકમ પણ જપ્ત કરવામાં આવી છે. હૈદરાબાદ પોલીસે 2011માં એમવે વિરુદ્ધ ફરિયાદ દાખલ કરી હતી. જેના અનુસંધાને આ કાર્યવાહી કરવામાં આવી છે.

એમવેના દેશભરમાં 5.5 લાખ ડાયરેક્ટ સેલર્સ અથવા સભ્યો હતા. તપાસમાં બહાર આવ્યું છે કે એમવે દ્વારા પિરામિડની છેતરપિંડી કરવામાં આવી રહી હતી, જે અંતર્ગત સભ્યોને એવા વચન સાથે ઉમેરવામાં આવ્યા હતા કે તેઓ તેમની સાથે જોડાયેલા સભ્યો દ્વારા પૈસા કમાશે અને સમૃદ્ધ બનશે. EDએ કહ્યું કે આ કંપની દ્વારા વેચવામાં આવતી પ્રોડક્ટ્સની કિંમત અન્ય લોકપ્રિય બ્રાન્ડ્સ કરતાં ઘણી વધારે છે. એજન્સીએ જણાવ્યું હતું કે સામાન્ય લોકોને સભ્ય બનાવવામાં આવ્યા હતા અને તેના બદલામાં તેમની પાસેથી તગડી ફી વસૂલવામાં આવી હતી અને તેમને નફાની લાલચમાં કંપનીના ઉત્પાદનો ખરીદવા માટે પ્રોત્સાહિત કરવામાં આવ્યા હતા. આ રીતે સામાન્ય લોકો એમવેને તેમની મહેનતની કમાણી ગુમાવી રહ્યા હતા, જ્યારે કંપનીના ટોચના લોકો સતત અમીર બની રહ્યા હતા.તેવો આરોપ હોવાનું એચ.ટી.એચ.દ્વારા જાણવા મળે છે.