Gujarati News

ઉના : હિમાચલ પ્રદેશના ઉનામાં આયોજિત ધર્મ સંસદના આયોજકને પોલીસે નોટિસ આપી છે. હકીકતમાં, અહીં નરસિમ્હાનંદ સરસ્વતીએ મડિયા સાથે વાત કરતા ફરી એક વિવાદિત નિવેદન આપ્યું છે.

ધર્મ સંસદના પ્રથમ દિવસે મીડિયા સાથે વાત કરતા નરસિમ્હાનંદે કહ્યું કે, જો દેશને મુસ્લિમ રાષ્ટ્ર બનતા અટકાવવો હોય તો હિંદુઓએ વધુ બાળકો પેદા કરવા જોઈએ. તેમણે દાવો કર્યો હતો કે 50 ટકા હિંદુઓનું ધર્માંતરણ થશે અને આગામી 20 વર્ષમાં 40 ટકા હિંદુઓને ખતમ કરવાનું ષડયંત્ર છે.નરસિમ્હાનંદના નિવેદન બાદ હિન્દુઓએ વધુ બાળકો પેદા કરવા જોઈએ, નહીં તો દેશ મુસ્લિમ રાષ્ટ્ર બની જશે. તેવા નિવેદન વિરુદ્ધ પોલીસે ધર્મ સંસદના આયોજકને નોટિસ આપી છે.

ઉલ્લેખનીય છે કે દાસના મંદિરના મહંત નરસિમ્હાનંદ ભૂતકાળમાં ઉશ્કેરણીજનક ભાષણો માટે જેલમાં બંધ છે અને હાલમાં જામીન પર બહાર છે.

ઉના પોલીસે નોટિસ આપીને આવા ભાષણ ન કરવા ચેતવણી આપી છે. નોટિસમાં કહેવામાં આવ્યું છે કે આયોજકોએ ધ્યાન આપવું પડશે કે કોઈપણ ધર્મ અથવા જાતિ વિરુદ્ધ વિવાદાસ્પદ ટિપ્પણી ન કરે.

પોલીસે કહ્યું છે કે જો કોઈ ભાષણ બંધારણીય ધોરણોનું ઉલ્લંઘન કરશે તો કડક કાર્યવાહી કરવામાં આવશે.નોંધનીય છે કે આ ધાર્મિક સંસદને રોકવા માટે સુપ્રીમ કોર્ટમાં અરજી કરવામાં આવી હતી, પરંતુ કોર્ટે તેને નકારી દીધી હતી. સુપ્રીમ કોર્ટે અરજદારને સ્થાનિક કોર્ટનો સંપર્ક કરવા કહ્યું હતું. ઘટના સ્થળે મોટી સંખ્યામાં પોલીસ બંદોબસ્ત ગોઠવી દેવામાં આવ્યો છે.તેવું એચ.ટી.એચ.દ્વારા જાણવા મળે છે.