Gujarati News

Gujarati News

News of Saturday, 20th February 2021

કોરોના નિયમોનો ભંગ કરનારી સ્ત્રીને પોલીસે કીસ કરીને છોડી

પેરૂમાં અત્યંત આઘાતજનક ઘટના સામે આવી : વીડિયો વાયરલ થયા બાદ તે પોલીસ અધિકારીને સસ્પેન્ડ કરી દેવાયો અને સમગ્ર કેસની તપાસ શરૂ કરવામાં આવી

પેરૂ, તા. ૧૯ : પેરૂમાં એક ખૂબ જ શોકિંગ ઘટના સામે આવી છે અને તેના કારણે પોલીસ અધિકારીને સસ્પેન્ડ કરી દેવામાં આવ્યો છે. પોલીસ અધિકારીએ કોવિડ-૧૯ના નિયમોનું ઉલ્લંઘન કરનારી મહિલાને દંડ ફટકારવાના બદલે કિસ કરીને તેને છોડી દીધી હતી. આ સમગ્ર ઘટના નજીકમાં લાગેલા સીસીટીવી કેમેરામાં કેદ થઈ ગઈ હતી. વીડિયો વાયરલ થયા બાદ તે પોલીસ અધિકારીને સસ્પેન્ડ કરી દેવામાં આવ્યો હતો અને સમગ્ર કેસની તપાસ શરૂ કરવામાં આવી હતી.

વીડિયોમાં જોઈ શકાય છે કે, શરૂઆતમાં પોલીસકર્મી તે મહિલાની વિગતો નોટપેડમાં નોંધી રહ્યો હોય છે. ત્યાર બાદ તે મહિલા પોલીસકર્મીની ખૂબ જ નજીક આવી રહેલી જણાય છે. ગણતરીની સેકન્ડ્સમાં જ પોલીસ અધિકારી પોતાનો વિચાર બદલી દે છે અને બંને કિસ કરી દે છે.

હાલ તે પોલીસકર્મીનું નામ સામે નથી આવ્યું પરંતુ પેરૂની રાજધાની લીમાના અધિકારીઓએ કેસની તપાસ શરૂ કરી દીધી છે અને પોલીસકર્મીને થોડા સમય માટે સસ્પેન્ડ કરી દીધો છે. જાણવા મળ્યા મુજબ તે અધિકારી પર પહેલા કોઈ પણ પ્રકારનો આરોપ નથી લાગેલો અને તેનો રેકોર્ડ એકદમ ક્લીયર હતો.

મિરાફ્લોરેસ જિલ્લાના સુરક્ષા પ્રભારીના કહેવા પ્રમાણે કેસ સામે આવ્યા બાદ મેયરે તરત તે અધિકારને સસ્પેન્ડ કરવાનો નિર્ણય લીધો હતો. એક અજ્ઞાત મહિલા સોશિયલ ડિસ્ટન્સિંગ જેવા કોવિડના નિયમોનું ઉલ્લંઘન કરી રહી હતી અને તે અધિકારીએ મહિલાને તે માટે મંજૂરી આપી. એટલું જ નહીં, પોતાનું માસ્ક ઉતારીને તે મહિલાને કિસ પણ કરી.

(12:00 am IST)
  • ચૂંટણી એક બિમારી છે : રાજનીતિથી દૂર રહીશુઃ સરકાર પર ભરોસો નથી : એનડીટીવીના પત્રકાર નિધી કુલપતિ સાથેના ખાસ ઇન્ટરવ્યુમાં ખેડૂત આંદોલનના સુત્રધાર રાકેશ ટિકૈતે કહેલ કે ચૂંટણી એક બિમારી છે. અમે તેની નજીક પણ નહિ જઇએ. રાજનીતિથી દૂર રહીશું આ સરકાર ઉપર અમને ભરોસો નથી. access_time 10:20 am IST

  • કાલે મ્યુ. કમિશનર તથા તેમના પત્ની શાળા નં.૧૧માં મતદાન કરશે : આવતીકાલે તા. ૨૧ના રોજ સવારે ૧૦ વાગ્યે મ્યુનિ. કમિશનરશ્રી ઉદિત અગ્રવાલ તથા તેમના ધર્મપત્ની અને પી.જી.વી.સી.એલ. ના એમ.ડી. શ્રી શ્વેતા અગ્રવાલ (શ્રી શ્વેતા તેવતિયા) રા.મ્યુ. કો. શાળા નં. ૧૧, મહાત્મા ગાંધી પ્રાથમિક શાળા, રાષ્ટ્રીય શાળા સામે, મનહર પ્લોટ, રાજકોટ ખાતે મતદાન કરશે. access_time 4:06 pm IST

  • મોંઘવારીનો એકપછી એક માર : પેટ્રોલ- ડીઝલ બાદ CNG- PNGનાં ભાવમાં વધારો ઝીકાયો :અદાણી ગેસે કર્યો ભાવમાં વધારો : CNGનાં ભાવમાં 95 પૈસાનો વધારો કરાયો : PNGનાં ભાવમાં 1.29 રૂપિયાનો વધારો ઝીકાયો : ગુજરાતમાં CNGનાં 4 લાખ ગ્રાહકોને અસર: ગુજરાતમાં PNGનાં 10 લાખ ગ્રાહકોને વધશે ખર્ચ બોજ access_time 10:57 am IST