Gujarati News

Gujarati News

News of Friday, 22nd January 2021

અમરનાથ યાત્રાના બેઝ કેમ્પમાં ઠંડી માઇનસ ૯.૩

હાડ થીજાવતી ઠંડીને કારણે કાશ્મીરમાં અનેક જળાશયો થીજી ગયા હતા : કાશ્મીર હાલ ૪૦ દિવસ ચાલતા શિયાળાના સૌથી ખરાબ સમયગાળા 'ચિલ્લઇ કલાન'નો સામનો કરી રહ્યું છે

શ્રીનગર તા. ૨૨ : વાર્ષિક અમરનાથ યાત્રાના બેઝ કેમ્પ અને સહેલાણીઓના માનીતા પહેલગામમાં ગુરુવારે લઘુતમ તાપમાન માઈનસ ૯.૩ ડિગ્રી જેટલું રહ્યું હોવાનું હવામાન ખાતાના અધિકારીઓેએ જણાવ્યું હતું.

જોકે, અગાઉની રાત્રિએ નોંધાયેલા માઈનસ ૮.૩ ડિગ્રી તાપમાનની સરખામણીએ બુધવારે તેમાં આંશિક સુધારો જોવા મળ્યો હતો અને તાપમાન ૯.૩ ડિગ્રી રહ્યું હતું.

શ્રીનગર શહેરમાં અગાઉની રાત્રિના માઈનસ સાત ડિગ્રીની સરખામણીએ માઈનસ છ ડિગ્રી તાપમાન નોંધાયું હતું.

સ્કીઇંગ રિસોર્ટ ગણાતા ગુલમર્ગમાં અગાઉની રાત્રિના માઈનસ ૬.૫ ડિગ્રીની સરખામણીએ ગુરુવારે ૭.૮ ડિગ્રી તાપમાન નોંધાયું હતું.

કાશ્મીર ખીણ પ્રદેશનો પ્રવેશદ્વાર ગણાતા કાઝીગંજમાં લઘુતમ તાપમાન ૮.૮ ડિગ્રી રહ્યું હતું. ઉત્તર કાશ્મીરના કુપવાડામાં માઈનસ ૫.૯ તો કોકેરનાગમાં માઈનસ ૬.૯ ડિગ્રી તાપમાન નોંધાયું હતું. હાડ થીજાવતી ઠંડીને કારણે કાશ્મીરમાં અનેક જળાશયો થીજી ગયાં હતાં.

રસ્તા પર બરફના જાડા થર પથરાઈ ગયા હોવાને કારણે વાહન ચલાવવાનું મુશ્કેલ બન્યું હતું.

કાશ્મીર હાલ ૪૦ દિવસ ચાલતા શિયાળાના સૌથી ખરાબ સમયગાળા 'ચિલ્લઈ કલાન'નો સામનો કરી રહ્યું છે. ૨૧ ડિસેમ્બરે શરૂ થયેલો 'ચિલ્લઈ કલાન'નો સમયગાળો ૩૧મી જાન્યુઆરીએ પૂરો થશે. ત્યાર બાદ પણ કાશ્મીરમાં ૨૦ દિવસ 'ચિલ્લઈ ખુર્દ'(સ્મોલ કોલ્ટ) અને ૧૦ દિવસના 'ચિલ્લઈ બચ્ચા'(બેબી કોલ્ડ)ના સમયગાળામાં શીતલહેર ચાલુ રહેશે.

(10:01 am IST)
  • ગુજરાતમાં પણ ઝડપભેર લવ જેહાદ વિરુદ્ધ કાયદો આવી રહ્યો છે : ગુજરાત સરકાર નજીકના ભવિષ્યમાં લવ જીહાદ વિરુદ્ધ નવો કાનૂન લાવી રહી છે કોંગ્રેસ પક્ષની આંતરિક ચૂંટણીઓ મે મહિનામાં યોજાય તેવી સંભાવના છે આજે કોંગ્રેસની કારોબારી બેઠક મળી રહી છે access_time 11:44 am IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 14,246 કેસ નોંધાયા :કુલ કેસની સંખ્યા 1,06,40,669 થઇ :એક્ટિવ કેસ 1,82,891 થયા: વધુ 17,034 દર્દીઓ સ્વસ્થ થતા કુલ 1,02,99,931 થયા :વધુ 151 લોકોના મોત સાથે કુલ મૃત્યુઆંક 1,53,218 થયા access_time 1:07 am IST

  • રાજસ્થાનના દોઢ ડઝન જિલ્લામાં બર્ડ ફ્લુનો પગપેસારો: રાજસ્થાનના ૧૭ જિલ્લામાં બર્ડ ફ્લુનો પગપેસારો: સત્તાવાર જાહેરાત: રાજસ્થાનમાં અત્યાર સુધીમાં ૧૮૧ પક્ષીઓ મૃત્યુ પામેલ મળી આવ્યા છે. access_time 12:16 am IST