શેરબજારમાં નાતાલ પૂર્વે રોનક : મિસ્ટર બેકટર્સનું શાનદાર લીસ્ટીંગ રોકાણકારો થયા માલામાલ

News of Thursday, 24th December 2020

શેરબજારમાં નાતાલ પૂર્વે રોનક : મિસ્ટર બેકટર્સનું શાનદાર લીસ્ટીંગ રોકાણકારો થયા માલામાલ

મિસ્ટર બેકટર્સના શેરનું ૭૪ ટકા પ્રીમીયમે લીસ્ટીંગ : BSE-NSE પર ૫૦૧-૫૦૦ના ભાવે લીસ્ટીંગ : ૧૦ ટકાની લાગી અપર સર્કિટ : ૨૮૮ના ભાવનો શેર હાઇમાં ૬૦૧ પર પહોંચ્યો : મિ. બેકટર્સ હાઇ ૬૦૧ : છેલ્લો ભાવ ૫૮૬

મુંબઇ તા. ૨૪ : મુંબઇ શેરબજારમાં આજે નાતાલ પૂર્વે રોનક જોવા મળી છે. બપોરે આ લખાય છે ત્યારે સેન્સેકસ ૪૫૭ પોઇન્ટ વધીને ૪૬૮૯૮ અને નીફટી ૧૩૨ પોઇન્ટ વધીને ૧૩૭૩૩ દર્શાવે છે. દરમિયાન આજે મિસ્ટર બેકટર્સ ફૂડનું ધમાકેદાર લીસ્ટીંગ થયું છે. BSE પર આ શેર ૭૪ ટકા પ્રીમીયમ પર ૫૦૧ના ભાવે લીસ્ટ થયો હતો. લીસ્ટીંગ બાદ શેરમાં અપર સર્કિટ લાગી હતી. પ્રાઇસ બેન્ડ રૂ. ૨૮૮ હતી અને પ્રારંભે જ તે ૬૦૧ની હાઇ સપાટીએ પહોંચી ગયો હતો. લિસ્ટીંગ બાદ આ શેરમાં ઝડપથી ઉછાળો જોવા મળતા ૧૦ ટકાની અપર સર્કિટ સાથે તે ૬૦૧ પર પહોંચી ગયો હતો. જેમણે ૧ લાખ રોકયા હતા તેમના પૈસા લીસ્ટીંગ પર જ વધીને ૨ લાખથી વધુ થઇ ગયા હતા. ૧૫થી ૧૭ ડિસે. વચ્ચે આ ઇસ્યુ ખુલ્યો હતો. દરમિયાન એકસીસ બેંક ૬૧૨, ONGC ૯૩, એરટેલ ૫૧૭, ICICI ૫૧૩, ચેન્નાઇ પેટ્રો ૧૦૪, ટેક મહિન્દ્ર ૯૪૩, HCL ૯૧૫, ઇન્ફોસીસ ૧૨૩૪, ડીશ ટીવી ૧૪.૯૭ ઉપર ટ્રેડ કરે છે.