Gujarati News

નવી દિલ્હી : સરકારી નોકરીની શોધમાં રહેલા લોકો માટે રેલ્વેના ઘણા ઝોનમાં ખાલી જગ્યાઓ છે. જો રેલ્વેમાં જોબ કરવા માંગતા હોવ તો આ તક મળી છે,ડીઝલ લોકો મૉર્ડનાઈઝેશન વર્ક્સ અને પશ્ચિમ મધ્ય રેલ્વેમાં ઘણી પોસ્ટ્સ પર ભરતી કરવા જઈ રહ્યા છે. ડીઝલ લોકો મોર્ડનાઈઝેશન વર્ક્સ 182 હોદ્દા પર ભરતી કરશે. તે જ સમયે, પશ્ચિમ મધ્ય રેલ્વે દ્વારા 165 પોસ્ટ્સ પર ભરતી કરવામાં આવશે. પશ્ચિમ મધ્ય રેલ્વે અન્ય 680 પોસ્ટ્સની ભરતી કરી રહ્યું છે. તદનુસાર, રેલ્વેમાં 1,027 જગ્યાઓની ભરતીની પ્રક્રિયા ચાલી રહી છે. આ તમામ પોસ્ટ્સ ઓનલાઈન અરજી કરવામાં આવી રહી છે. ચાલો જાણીએ આ ત્રણ વેકેનસીઓ વિશે.

ડીઝલ લોકો મોર્ડનાઈઝેશન વર્ક્સ એપ્રેન્ટિસની 182 જગ્યાઓ પર ભરતી કરી રહી છે. આ પોસ્ટ્સ પર ઓનલાઈન અરજીઓ કરવામાં આવી રહી છે. આમાં ધોરણ 8 પાસ વિદ્યાર્થીઓ પણ અરજી કરી શકે છે. આ ખાલી જગ્યા માટેની અરજી પ્રક્રિયા 31 માર્ચ, 2021 સુધી ચાલુ રહેશે. એપ્લિકેશન માટેની સત્તાવાર સૂચના જાણવા માટે dmw.indianrailways.gov.in પર ચકાસવાનીરહેશે.

ડીઝલ લોકો મૉર્ડનાઈઝેશન વર્ક્સ દ્વારા જાહેર કરવામાં આવેલી આ ખાલી જગ્યામાં અરજી કરવા માટે નીચે આપેલા સ્ટેપ્સને અનુસરો.

1). પ્રથમ સત્તાવાર વેબસાઈટ dmw.indianrailways.gov.in પર જાઓ.
2). વેબસાઈટના હોમ પેજની જમણી બાજુએ DMW Recruitment 2021ની લિંક પર ક્લિક કરો.
3). હવે Apply Online લિંક પર ક્લિક કરો.
4). આ પછી સૂચના વાંચો અને નોંધણી કરો.
5). નોંધણી (Registration) પછી આવેદનપત્ર (Application form) ભરી શકાય છે.

પશ્ચિમ મધ્ય રેલ્વેમાં 165 જગ્યાઓ માટે ખાલી જગ્યાઓ છે. આ પોસ્ટ્સ માટેની અરજી કરવાની છેલ્લી તારીખ નજીક છે. આ ખાલી જગ્યા ધોરણ 10 પાસ માટે છે. આ પોસ્ટ્સ પર ઓનલાઈન અરજીઓ કરવામાં આવી રહી છે. અરજી કરવાની છેલ્લી તારીખ 30 માર્ચ 2021 છે. તે જ સમયે, અરજી ફી જમા કરાવવાની છેલ્લી તારીખ પણ 30 માર્ચ છે. આ ખાલી જગ્યા માટે ફક્ત ધોરણ 10 પાસ અને ITI થયેલા લોકો જ અરજી કરી શકે છે. ખાસ વાત એ છે કે આ ભરતી માટે કોઈ લેખિત પરીક્ષા નહીં હોય.

પશ્ચિમ મધ્ય રેલ્વેમાં 680 જગ્યાઓની ભરતીની પ્રક્રિયા પણ ચાલી રહી છે. આ પોસ્ટ્સ પર ઓનલાઈન અરજીઓ કરવામાં આવી રહી છે. અરજી કરવાની છેલ્લી તારીખ 5 એપ્રિલ 2021 છે. આ જગ્યાઓ પર ભરતી માટે ઉમેદવારોએ ધોરણ 10 પાસ હોવા જોઈએ. ઉમેદવારોની વયમર્યાદા 15થી 22 વર્ષ છે. તે જ સમયે, અરજી ફી 100 રૂપિયા અનામત કેટેગરી અને મહિલા ઉમેદવારોએ અરજી ફી ભરવાની રહેશે નહીં.