Gujarati News

બોલિવૂડ એક્ટર અક્ષય કુમાર અવારનવાર ચર્ચામાં રહે છે. મીડિયામાં દરરોજ તેના સમાચાર આવતા રહે છે. પરંતુ હવે તેમની સાથે જોડાયેલી એક જાણકારી બહાર આવી રહી છે જે તમને હેરાન કરી દેશે. હવે સમાચાર સામે આવી રહ્યા છે કે અક્ષય કુમાર ફરી એકવાર સૌથી વધુ ટેક્સ ચૂકવનાર સેલિબ્રિટી બની ગયો છે. એક્ટરને આવકવેરા વિભાગ તરફથી સન્માન પત્ર પણ મળ્યો છે. પરંતુ આ પહેલીવાર નથી, જ્યારે તે સૌથી વધુ ટેક્સ ચૂકવનાર સેલિબ્રિટી બન્યા હોય.

રિપોર્ટ મુજબ અક્ષય કુમારે છેલ્લા પાંચ વર્ષમાં સૌથી વધુ ટેક્સ ચૂકવ્યો છે અને તેણે આ ટાઈટલ ફરીથી જાળવી રાખ્યું છે. આવા સમાચાર પહેલા પણ સામે આવ્યા છે. અક્ષય કુમાર આ દિવસોમાં યુકેમાં શૂટિંગ કરી રહ્યો છે. આ જ કારણ છે કે તેમની ટીમે અક્ષય કુમાર વતી આવકવેરા વિભાગ તરફથી સન્માનનું પ્રમાણપત્ર સ્વીકાર્યું છે.

પિંકવિલા મુજબ ‘આજે અક્ષય કુમાર પાસે સૌથી વધુ ફિલ્મો છે. આ સાથે તે એન્ડોર્સમેન્ટની દુનિયામાં પણ રાજ કરી રહ્યો છે અને ભારતના સૌથી વધુ ટેક્સ ચુકવાની યાદીમાં સામેલ થવું તેના માટે કોઈ હેરાનની વાત નથી. અક્ષય કુમારને સમ્માન પત્ર મળ્યો છે, જે સોશિયલ મીડિયા પર ઝડપથી વાયરલ થઈ રહી છે.

અક્ષય કુમાર આ દિવસોમાં યુકેમાં ટીનુ દેસાઈ સાથે એક ફિલ્મ કરી રહ્યો છે. અક્ષય કુમાર છેલ્લે ફિલ્મ ‘સમ્રાટ પૃથ્વીરાજ’માં જોવા મળ્યો હતો. આ ફિલ્મમાં તેની અપોઝિટ મિસ વર્લ્ડ માનુષી છિલ્લર જોવા મળી હતી. પરંતુ આ ફિલ્મ બોક્સ ઓફિસ પર ફ્લોપ સાબિત થઈ હતી. એટલું જ નહીં યશરાજ ફિલ્મ્સની હાલમાં રિલીઝ થયેલી ત્રણ ફિલ્મો ફ્લોપ થઈ છે જેમાંથી બે ફિલ્મો અક્ષય કુમારની છે.