Gujarati News

મુંબઈ : બોમ્બે હાઈકોર્ટે સોમવારે આવકવેરા વિભાગને રિલાયન્સ (ADA) ગ્રૂપના ચેરમેન અનિલ અંબાણીની સામે બ્લેક મની હેઠળ શરૂ કરાયેલી આવકવેરાની કાર્યવાહીના સંબંધમાં કોઈ જબરદસ્તી કાર્યવાહી ન કરવા નિર્દેશ આપ્યો હતો.  ADA ગ્રૂપના ચેરમેને ₹420 કરોડની કરચોરી માટે તેમની સામે આવકવેરા વિભાગ દ્વારા જારી કરાયેલ કારણ દર્શક  નોટિસને પડકારી છે.

જસ્ટિસ એસવી ગંગાપુરવાલા અને આરએન લધાની ખંડપીઠે આજે આ આદેશ આપ્યો હતો જ્યારે અંબાણીએ આવકવેરા વિભાગ (આઈટી વિભાગ) દ્વારા કારણ બતાવો નોટિસ જારી કર્યા પછી તેમની સામે શરૂ કરવામાં આવેલી કાર્યવાહી પર તાત્કાલિક સ્ટે માંગવા માટે કોર્ટમાં અરજી કરી હતી.

"આવકવેરા વિભાગ આગામી તારીખ સુધી કારણ બતાવો નોટિસના અનુસંધાનમાં અરજદાર (અંબાણી) સામે કોઈ જબરદસ્તી પગલાં લેશે નહીં," કોર્ટે નિર્દેશ આપ્યો.
તદનુસાર, અરજીની સુનાવણી 17 નવેમ્બર, 2022 સુધી મુલતવી રાખવામાં આવી હતી.તેવું બી.એન્ડ બી.દ્વારા જાણવા મળે છે.