Gujarati News

નવી દિલ્‍હી,તા. ૨૭ : દિલ્‍હીના મુખ્‍યમંત્રી અરવિંદ કેજરીવાલ અને કોંગ્રેસ અધ્‍યક્ષ મલ્લિકાર્જુન ખડગે નવા વિવાદમાં ફસાયા છે. આ બંને સિવાય કેટલાક અન્‍ય નેતાઓ પર રાષ્ટ્રપતિ દ્રૌપદી મુર્મુની જાતિનો ઉલ્લેખ કરીને ભડકાઉ નિવેદનો કરવાનો આરોપ છે. આ નેતાઓ વિરુદ્ધ દાખલ કરવામાં આવેલી ફરિયાદમાં કહેવામાં આવ્‍યું છે કે, નવા સંસદ ભવનનાં ઉદ્‍ઘાટન સમારોહની વાત કરતી વખતે તેઓએ આ ઉશ્‍કેરણીજનક ભાષણો આપ્‍યાં હતાં.

આ નેતાઓ પર રાજકીય લાભ માટે આવા નિવેદનો કરીને બે સમુદાયો/જૂથો વિરુદ્ધ દુશ્‍મનાવટ અને ભારત સરકાર વિરુદ્ધ અવિશ્વાસ પેદા કરવાનો આરોપ છે. આ મામલે આઈપીસીની કલમ ૧૨૧, ૧૫૩A, ૫૦૫ અને ૩૪ હેઠળ ફરિયાદ નોંધવામાં આવી છે.કેજરીવાલે આ વાત કહી હતી

મલ્લિકાર્જુન ખડગેએ કહ્યું કે રાષ્ટ્રપતિ દ્રૌપદી મુર્મુ દેશના પ્રથમ નાગરિક છે. તે એકલા સરકાર અને વિપક્ષ તેમજ દરેક નાગરિકનું પ્રતિનિધિત્‍વ કરે છે. તેમણે કહ્યું કે જો રાષ્ટ્રપતિ નવા સંસદ ભવનનું ઉદ્‍ઘાટન કરે તો તે લોકતાંત્રિક મૂલ્‍યો પ્રત્‍યે સરકારની પ્રતિબદ્ધતાનું પ્રતિક હોત. તે જ સમયે, સીએમ અરવિંદ કેજરીવાલે ટ્‍વિટ કર્યું કે દલિત સમાજ પૂછે છે કે શું તેમને અશુભ માનવામાં આવે છે, તેથી જ તેમને બોલાવવામાં આવતા નથી. આમ આદમી પાર્ટીના સ્‍તરે પણ આ મામલે ભાજપ અને મોદી સરકાર પર સવાલો ઉઠી રહ્યા છે.

સીએમ કેજરીવાલે મોદી સરકાર પર અનુસૂચિત જાતિ અને અનુસૂચિત જનજાતિનું અપમાન કરવાનો આરોપ પણ લગાવ્‍યો છે. તેમણે પોતાના ટ્‍વિટમાં લખ્‍યું છે કે રામ મંદિરના શિલાન્‍યાસ માટે તત્‍કાલીન રાષ્ટ્રપતિ રામનાથ કોવિંદને પણ આમંત્રણ આપવામાં આવ્‍યું ન હતું. તેમજ તેમને નવી સંસદના શિલાન્‍યાસ કાર્યક્રમમાં પણ આમંત્રણ આપવામાં આવ્‍યું ન હતું. તે જ સમયે, નવા સંસદ ભવનનું ઉદ્‍ઘાટન પણ વર્તમાન રાષ્ટ્રપતિ દ્રૌપદી મુર્મુના હાથે નથી થઈ રહ્યું.