Gujarati News

નવી દિલ્લી, તા.૨૭ : જ્યારે, ટીમ ઈન્ડિયાએ વેસ્ટ ઈન્ડિઝ પાસેથી માગી હતી શેમ્પેન ઉધાર...આ કિસ્સો ક્રિકેટ ઈતિહાસના સૌથી રસપ્રદ કિસ્સાઓ પૈકીનો એક કિસ્સો છે. કપિલ દેવે વેસ્ટ ઈન્ડિઝના કેપ્ટન ક્લાઈવ લોઈડને શું કહ્યુંકે, પેલાએ શેમ્પઈનની બોટલ ઉપાડીને આપી દીધી. ક્લાઈવ લોયડે એક સારા નેતાની જેમ કપિલને ખાતરી આપી હતી કે તે થોડા સમય પછી તેમની ટીમને મળવા આવશે. અને એ જ વખતે કપિલની નજર ત્યાં રાખવામાં આવેલી શેમ્પેનની બોટલો પર પડી. ભારતીય ડ્રેસિંગ રૂમ ત્યારે શેમ્પેનની બોટલ ખત્મ થઈ ગઈ હતી.

વર્ષ ૧૯૮૩માં જૂન મહિનામાં એવું બન્યું કે જેના વિશે કોઈએ વિચાર્યું પણ ન હતું. ભારતીય કેપ્ટન કપિલ દેવ છેલ્લા બે વર્લ્ડ કપ જીતનાર વેસ્ટ ઈન્ડિઝની ટીમને હરાવીને લોર્ડ્સની બાલ્કનીમાં ટ્રોફી ઉપાડી હતી. આ એક એવી ઘટના હતી જેણે માત્ર ભારતીય ક્રિકેટને જ નહીં પરંતુ વિશ્વ ક્રિકેટને એક નવી દિશા આપી અને આ રમતનું ચિત્ર બદલાવા લાગ્યું.

લગભગ ૪ દાયકા પછી કબીર ખાન આ ઐતિહાસિક જીતની આખી વાર્તાને મોટા પડદા પર લાવ્યા છે. ફિલ્મનું નામ છે ૮૩. રણવીર સિંહે કેપ્ટન કપિલ દેવની ભૂમિકા ભજવી છે. અને આ ફિલ્મને કારણે ફરી એકવાર લોકો એ જીત વિશે વાત કરી રહ્યા છે. આ ક્રમમાં, જાણો તે શેમ્પેઈનની કહાની જે બીજા કોઈએ મંગાવી હતી. પરંતુ તે ભારતીય ડ્રેસિંગ રૂમમાં ખોલવામાં આવી હતી અને નવા વિશ્વ ચેમ્પિયનોએ ઉજવણી કરી હતી.

પ્રથમ બેટિંગ કરતા ભારતીય ટીમે ૧૮૩ રન બનાવ્યા હતા. વાસ્તવમાં તે 'માત્ર' ૧૮૩ રન હતા. ક્રિકેટના તે સંસ્કરણનો આ યુગ હતો જ્યારે વન-ડે મેચ ૬૦ ઓવરની રમાતી હતી. અને એક ઓવરમાં કુલ ૮ બોલ હતા. એટલે કે ૪૮૦ બોલમાં માત્ર ૧૮૪ રન બનાવવાનો ટાર્ગેટ વેસ્ટ ઈન્ડિઝ સામે હતો. વેસ્ટ ઈન્ડિઝની ટીમ જેના પ્રથમ ૪ બેટ્સમેનોના નામ હતા - ગોર્ડન ગ્રીનિજ, ડેસમન્ડ હેન્સ, વિવ રિચર્ડ્સ અને ક્લાઈવ લોયડ. ૧૯૮૩ની વાત છોડો, આજે પણ આ ચાર કોઈપણ બોલિંગ આક્રમણ માટે દુઃસ્વપ્ન સાબિત થઈ શકે છે. ૨૫ જૂન, ૧૯૮૩ ના રોજ, તેની સામે એક ટીમ હતી, જેના વિશે ટૂર્નામેન્ટ શરૂ થતાં પહેલા કહેવામાં આવી રહ્યું હતું કે રમવા માટે જગ્યા આપવામાં આવી હોવાને કારણે તે ટૂર્નામેન્ટ રમવા જઈ રહી છે. આવું બોલી ટીમનું અપમાન કરવામાં આવી રહ્યું હતું.

જ્યારે ભારતીય દાવનો અંત આવ્યો ત્યારે બંને ટીમોના ડ્રેસિંગ રૂમ ખૂબ જ હળવા મૂડમાં હતા. ભારતીય છાવણી જાણતી હતી કે પરિણામ તેમની તરફેણમાં નહીં જાય. વેસ્ટ ઈન્ડિઝને ખબર હતી કે તેઓ સતત ત્રીજી વખત વર્લ્ડ ચેમ્પિયન બનવા જઈ રહ્યા છે. ભારતીય ડ્રેસિંગ રૂમમાં, કપિલ દેવ પોતાની ટીમને સમજાવવામાં વ્યસ્ત હતા કે જો ભારતીય ટીમ ૧૮૩ રનમાં આઉટ થઈ શકે છે, તો તે બધા મળીને વેસ્ટ ઈન્ડિઝને તેનાથી ઓછા રનમાં આઉટ કરી શકે છે. તે વારંવાર કહેતા હતા કે તેમની પાસે ગુમાવવા માટે કંઈ નથી અને દરેકે છેલ્લી વાર પોતાનું સર્વશ્રેષ્ઠ આપવું પડશે. તે જ સમયે, વેસ્ટ ઈન્ડિયન મેનેજમેન્ટે ઉજવણીની તૈયારીઓ શરૂ કરી દીધી હતી. તેમણે ખાણી-પીણીનો ઓર્ડર આપ્યો હતો અને ઘણી બધી શેમ્પેનની બોટલો મંગાવી હતી.

લગભગ સાડા ત્રણ કલાક પછી, લંડનનું આકાશ ડ્રમના અવાજથી ગુંજી ઉઠ્યું. એવું થયું જે કોઈએ પોતે વિચાર્યું ન હતું. કપિલ દેવની ટીમે વેસ્ટ ઈન્ડિઝને ૪૩ રને હરાવી હતી. આ તફાવત એટલો મોટો હતો કે તે મેચમાં કોઈ પણ બેટ્સમેન એકલા આટલા રન બનાવી શક્યો ન હતો. લોર્ડ્સના મેદાનમાં ભારતીય ચાહકોની ભીડ જોવા મળી હતી. ભારતીય ધ્વજ લહેરાવવામાં આવી રહ્યા હતા. લોર્ડ્સમાં ભારતીય કેમ્પની બાલ્કની નીચે ભીડ એકઠી થઈ ગઈ હતી અને તેઓ ભારતીય ખેલાડીઓના નામની બૂમો પાડી રહ્યા હતા.

થોડો સમય પસાર થયો અને કપિલ દેવ એ મેચના હીરો મોહિન્દર અમરનાથ સાથે વેસ્ટ ઈન્ડિઝ ટીમના ડ્રેસિંગ રૂમમાં ગયા. હા, તેમણે ક્લાઈવ લોયડ્ અને તેમની ટીમ સાથે વાત કરી. તેમણે આખી ટીમને ભારતીય ડ્રેસિંગ રૂમમાં આવવાનું આમંત્રણ પણ આપ્યું હતું. વેસ્ટ ઈન્ડિઝના ખેલાડીઓ મૌન હતા. કોઈ વધારે બોલતું ન હતું. ક્લાઈવ લોયડે એક સારા નેતાની જેમ કપિલને ખાતરી આપી હતી કે તે થોડા સમય પછી તેમની ટીમને મળવા આવશે. અને એ જ વખતે કપિલની નજર ત્યાં રાખવામાં આવેલી શેમ્પેનની બોટલો પર પડી. ભારતીય ડ્રેસિંગ રૂમમાં શેમ્પેનની બોટલો ખત્મ થઈ હતી. કપિલ શ્રીકાંત, સંધુ, કિરમાણી અને સંદીપ પાટીલની પસંદથી સારી રીતે પરિચિત હતા. તેમણે એક સારા મિત્ર અને કેપ્ટનની ભૂમિકા પણ ભજવી અને ક્લાઈવ લોઈડને પૂછ્યું કે શું તે શેમ્પેઈનની બોટલ લઈ શકે છે, કારણ કે તેમના ડ્રેસિંગ રૂમમાં 'કંઈ' નહોતું. લોયડે એક પણ શબ્દ બોલ્યા વગર માથું હલાવ્યું અને મોહિન્દર અમરનાથે બોટલો પકડી લીધી.

આ પછી તે બોટલોમાંથી કેટલાક ખેલાડીઓએ ભારતીય બાલ્કનીની નીચે ઊભેલી ભીડને શેમ્પેનનો સ્વાદ પણ ચખાડ્યો. તેઓ ઉપરથી શેમ્પેન રેડતા હતા અને ભીડ નીચે મોં ખોલીને ઊભી હતી. જ્યારે શેમ્પેન પુરી થઈ, ત્યારે સંધુએ જઈને રૂમમાં ચા માટે રાખેલ દૂધ ઉપાડ્યું અને તેમણે તેને રેડવાનું શરૂ કર્યું. એ દિવસે જનતાએ બધું સ્વીકારી લીધું. શેમ્પેઈન અને દૂધ પણ.