Gujarati News

કરાંચી,તા.૨૭ : ઘણી વખત કપલ એવા હોય છે, જેમણે પબ્લિક પ્લેસ પર હાજર લોકોથી ફર્ક પડતો નથી અને જાહેરમાં અભદ્ર વર્તન કરવા પર ઉતરી જાય છે. કંઇક આવો જ કિસ્સો પાકિસ્તાનમાં જોવા મળ્યો, જ્યારે એક કપલ ફ્લાઇટમાં હાજર લોકોની સામે કિસ કરવાનું શરૂ કર્યું હતું. આ હરકતને જોયા બાદ આસપાસના લોકોએ પ્લેનના કેબિન ક્રુને ફરિયાદ કરી હતી. પાકિસ્તાનમાં એક કપલ કથિત રીતે ઘરેલું એરબ્લૂ ફ્લાઇટમાં એકબીજાને કિસ કરતા પકડાયું હતું. આ ઘટના કરાચીથી ઇસ્લામાબાદની પીએ-૨૦૦ ફ્લાઇટમાં બની હતી.

      પ્રત્યક્ષદર્શીઓના જણાવ્યા અનુસાર, આ કપલ શરૂઆતની ચોથી હરોળમાં બેઠું હતું અને એકબીજાને કિસ કરવાનું શરૂ કર્યું હતું. કપલની આ અશ્લીલ કૃત્ય અંગે, મુસાફરે કેબિન ક્રૂમાં હાજર એર હોસ્ટેસને ફરિયાદ કરી હતી અને જાહેરમાં કિસ કરવાનો ઇનકાર કર્યો હતો. આ હોવા છતાં આ દંપતીએ વિમાનના કેબિન ક્રૂને જરાય સાંભળ્યું ન હતું અને ફરીથી આવી પ્રવૃત્તિઓ કરવાનું શરૂ કર્યું હતું. ત્યાર બાદ એરહોસ્ટેસે પણ તેમની પબ્લિકલી અશ્લીલતાને કાબુમાં રાખવા માટે તેણે એક ધાબળો ઓઢાળ્યો હતો. જેથી આસપાસ હાજર લોકો તેનાથી પ્રભાવિત ન થાય. મુસાફરોનો દાવો છે કે, અશ્લીલ હરકતો પર જ્યારે ત્યાં હાજર લોકોએ સવાલ ઉઠાવ્યો તો તેઓએ પાછો વળતો જવાબ આપ્યો કે તમે કોણ છો અમને આ બધુ કહેવાવાળા. ફ્લાઇટમાં સવાર એડવોકેટ બિલાલ ફારુક અલ્વીએ આ કેસની વિરુદ્ધ સિવિલ એવિએશન ઓથોરિટીને (સીએએ) ફરિયાદ નોંધાવી હતી. તેમણે દંપતીને રોકવા માટે એરલાઇન સ્ટાફ દ્વારા કોઈ કાર્યવાહી નહીં કરવાની પણ ફરિયાદ કરી છે. પાકિસ્તાનનો નાગરિક ઉડ્ડયન વિભાગ આ મામલે તપાસ કરી રહ્યું છે. અલ્વીએ સોશિયલ મીડિયા પર એક વીડિયો સંદેશ જાહેર કરીને દાવો કર્યો છે કે, દંપતીની વિરોધી વાત બોર્ડર્ડ પરિવારોની હાજરીમાં સમજાવી છે.