Gujarati News

Gujarati News

News of Tuesday, 4th May 2021

ઉના પોલીસ મથકના દારૂના બે ગુનામાં ફરાર દિવ્યેશ ઉર્ફે દેવાને ઝડપી લેતી ક્રાઇમ બ્રાંચ

ત્રણ મહિનાથી નાસતા ફરતા શખ્સને કોઠારિયા રોડ પરથી દબોચ્યો

રાજકોટ તા. ૪ : ગીરસોમનાથના ઉના પોલીસ મથકમાં નોંધાયેલા દારૂના બે ગુનામાં નાસતા-ફરતા શખ્સને ક્રાઇમબ્રાંચની ટીમે કોઠારિયા રોડ પરથી પકડી લીધો હતો.

મળતી વિગત મુજબ ઉના પોલીસ મથકમાં નોંધાયેલા વિદેશી દારૂના બે ગુનામાં ત્રણ મહિનાથી નાસતો ફરતો શખ્સ કોઠારિયા રોડ પરથી નીકળવાનો હોવાની બાતમીના આધારે ક્રાઇમ બ્રાંચના પી.આઇ.વી.કે. ગઢવીના માર્ગદર્શન હેઠળ પી.એસ.આઇ. યુ.બી.ગોરાણા, એ.એસ. આઇ.બી. આર. ગઢવી, સી.એમ. ચાવડા, હેડ કોન્સ. જયંતીભાઇ, અભીજીતસિંહ, પ્રદિપસિંહ, ભાવીનભાઇ, ઇન્દ્રજીતસિંહ તથા કરણભાઇ મારૂ સહિતે કોઠારિયા રોડ સુતા હનુમાન મંદિરવાળી શેરીમાંથી દિવ્યેશ ઉર્ફે દેવો કેશુભાઇ ઓડેદરા (ઉ.૩૬) (રહે. ગીરીરાજ સોસાયટી શેરી નં.ર, બ્લોક નં.૩૦ બસ સ્ટેશન પાછળ જુનાગઢ) ને પકડી લીધો હતો. તે અગાઉ જેતપુર તાલુકા, રાજકોટ ગાંધીગ્રામ, તાલુકા અને વંથલી પોલીસ મથકમાં પકડાઇ ચુકયો છે.(૬.૨૮)

(4:07 pm IST)
  • ચુંટણીઓ પુરી થતાં જ પેટ્રોલ-ડીઝલના ભાવમાં ૨૦ થી ૨૫ પૈસાનો વધારો ઝીંકાયો : દેશના પાંચ રાજયોમાં ચુંટણી પુરી થતાંવેંત જ આજે પેટ્રોલ-ડીઝલના ભાવમાં ફરી એકવાર વધારો ઝીંકાયો છે. પેટ્રોલમાં ૨૦ પૈસા અને ડીઝલનાં ભાવમાં પ્રતિ લિટરે ૨૫ પૈસાનો વધારો થયો છે. access_time 10:38 am IST

  • કોરોનાઍ વધુ મેચનો ભોગ લીધો : બુધવારે ચેન્નાઈ સુપર કિંગ્સ અને રાજસ્થાન રોયલ્સ વચ્ચે રમાનાર આઈપીઍલ મેચ નવી તારીખે રમાશેઃ બુધવારે બંધ રહેશે તેમ બીસીસીઆઈના સૂત્રોને તાકીને ન્યુઝ ઍજન્સીઍ જણાવ્યુ છે access_time 11:23 am IST

  • આઈપીએલના બાકીના મેચો મુંબઈમાં જ રમાશે? : સપ્તાહના અંતિમ આઈપીએલના બાકી રહી ગયેલા મેચો હવે મુંબઈ ખાતે જ રમાડવામાં આવે તેવી શકયતા કોરોનાની મહામારીના પગલે આ નિર્ણય લેવાય તેવી વિચારણા ચાલી રહી હોવાનું જાણવા મળે છે. access_time 10:39 am IST