Gujarati News

રાજકોટ, તા. ૪ : પ્રદેશ ભાજપ પ્રમુખ શ્રી સી.આર. પાટીલ આવતીકાલે રાજકોટ આવી રહ્યા છે. તેઓ ઢગલાબંધ કાર્યક્રમોમાં હાજરી આપનાર છે.

શ્રી સી.આર. પાટીલ આવતીકાલે તા.૫ના રવિવારે બપોરે ૩ વાગ્‍યે રાજકોટ એરપોર્ટ ખાતે પહોચશે ત્‍યારબાદ સીધા જ ૧૫૦ ફૂટ રીંગ રોડ ઉપર શીતલ પાર્ક ચોકડી નજીક આવેલ નવનિર્મિત ભાજપના કાર્યાલયની મુલાકાત લેશે ત્‍યારબાદ સાંજે ૪ વાગ્‍યે હેમુ ગઢવી હોલ ખાતે ભાજપના કાર્યકરો સાથે બેઠક કરશે. ત્‍યારબાદ સાંજે ૫:૧૫ વાગ્‍યાથી મવડી ચોકડી ખાતે જીથરીયા હનુમાન મંદિર પાસે આવેલ ‘ધ જીમ વર્લ્‍ડ'ના ઓપનીંગ પ્રસંગે હાજરી આપશે. તેમજ સાંજે ૬ વાગ્‍યાથી ગ્રીન લેન્‍ડ ચોકડી ખાતે સ્‍વ.વિઠ્ઠલભાઈ રાદડીયાની સ્‍મૃતિમાં આયોજીત સમૂહલગ્નમાં ઉપસ્‍થિત રહેશે તેમ શહેર ભાજપ અધ્‍યક્ષ કમલેશભાઈ મિરાણીએ જણાવ્‍યુ છે.