Gujarati News

Gujarati News

News of Tuesday, 4th May 2021

શિવમ પાર્કમાં દિકરા દિકરીને કોરોનાની દવા છે કહી ઝેર પીવડાવી પોતે પણ પી ગયેલા કર્મકાંડી યુવાન કમલેશભાઈ રામકૃષ્ણભાઈ લાબડીયાનું સારવાર દરમિયાન મોત

રાજકોટઃ નાના મવા રોડ શાસ્ત્રીનગર સામે શિવમ પાર્કમાં રહેતા કમલેશભાઈ લાબડીયાએ પુત્ર અને પુત્રીને ઝેરી દવા પીવડાવી હતી અને પોતે પણ પી ગયા હતા. 

22 વર્ષના દિકરા અંકિતે ગઈ કાલે દમ તોડ્યો હતો: 21 વર્ષની દિકરી કૃપાલી સારવાર હેઠળ છે: મકાનના સોદામાં પોતાની સાથે ઠગાઈ થયાનું સુસાઇડ નોટમાં લખ્યું હતું:   ચિઠ્ઠીમાં વકીલ સહિત 5ના નામો હતાં: આજે જ સાંસદ રામભાઈ મોકરિયા, નીતિનભાઈ ભારદ્વાજ તેમજ  સમસ્ત બ્રહ્મ સમાજે ન્યાયી તટસ્થ તપાસની માંગણી સાથે પોલીસ કમિશનર સમક્ષ રજૂઆત કરી હતી. તાલુકા પોલીસે મૃતક વિરૂદ્ધ તેમના પત્ની જયશ્રીબેનની ફરિયાદ પરથી હત્યા અને હત્યાની કોશિષનો ગુનો નોંધયો હતો.

(9:07 pm IST)
  • રાજસ્થાનની જોધપુર સેન્ટ્રલ જેલમાં સજા ભોગવી રહેલા આસારામ બાપુને બુધવારે રાત્રે જેલમાંથી મહાત્મા ગાંધી હોસ્પિટલમાં ખસેડવામાં આવ્યા છે. જેલમાં તબિયત લથડતા જેલ પ્રશાસન તેમને મહાત્મા ગાંધી હોસ્પિટલમાં લઈ ગયા છે. ત્યાં કોરોના વાયરસના લક્ષણો દેખાય બાદ આસારામ બાપુને કોવિડ -19 ચેપ લાગ્યો હોવાની શંકા સેવાય રહી છે. તેમનો કોવિડ પરીક્ષણનો નમૂના લેવામાં આવ્યો હતો અને તબિયત લથડતાં તેમને હોસ્પિટલના આઈસીયુમાં દાખલ કરાયા હતા. access_time 12:10 am IST

  • મહારાષ્ટ્રમાં કોરોના ધીમે ધીમે શાંત પડી ગયો છે, ૨૪ કલાકમાં નવા ૫૧ હજાર કેસ નોંધાયા કર્ણાટકમાં મોટો વિસ્ફોટ ૪૪ હજાર નવા કેસ: કેરળમાં ૩૭ હજાર: યુપીમાં ૨૫ હજાર: તામિલનાડુમાં ૨૧ હજાર: બેંગ્લોર ૨૦ હજાર: આંધ્ર ૨૦ હજાર: દિલ્હી ૨૦ હજાર: પશ્ચિમ બંગાળ ૧૭ હજાર: રાજસ્થાન ૧૬ હજાર: છત્તીસગઢ ૧૫ હજાર: બિહાર ૧૪ હજાર: હરિયાણા ૧૪ હજાર: ગુજરાત ૧૩ હજાર: અને મધ્યપ્રદેશમાં ૧૨ હજારથી વધુ નવા કોરોના કેસ નોંધાયા: મહારાષ્ટ્રના પૂણેમાં ૮ હજાર: મુંબઈમાં ૨૫૦૦, જ્યારે અમદાવાદમાં ૪૬૯૩, સુરત ૧૨૧૪, રાજકોટ ૫૯૩ અને વડોદરા ૫૬૩ નવા કેસ સવાર સુધીમાં નોંધાયા છે access_time 10:51 am IST

  • ગુજરાતના ભૂતપૂર્વ કેબીનેટ પ્રધાન શંકરભાઈ ચૌધરીને કોરોના પોઝીટીવ આવ્યો છે access_time 6:30 pm IST