Gujarati News

રાજકોટ તા. ૬ :.. તાજેતરની આર. ઓ. મીટીંગમાં કલેકટરે જીલ્લા લેવલે ઓનલાઇન અપલોડ કામગીરી અને લોક કરવાની કામગીરીની વિગતો જાણી હતી, ર૦૦૪ થી ર૦૧૭ સુધીમાં ઇ-ધરામાં જીલ્લા લેવલે ગામ નમુના નં. ૬, ૭/૧ર, તથા જે તે જમીનના ખરીદ-વેચાણના દસ્તાવેજો તેની નોંધ સહિતની ડોકયુમેન્ટ કામગીરી અપલોડ કરવાની બાકી હતી, જે પછી તેનો કોન્ટ્રાકટ ગુજરાતની દેવ કંપનીને અપાયો હતો, દોઢ વર્ષ કોરોના કાળ રહેતા આ કામગીરી ઢીલી પડી હતી, આ પછી આર. ઓ. મીટીંગમાં બહાર આવ્યું હતું કે ર૦૦૪ થી ર૦૧૭ સુધીમાં કુલ ૭ લાખ ૯૮ હજાર વિવિધ ડોકયુમેન્ટ અપલોડ કરવાના બાકી હતા, તેમાંથી સવા ત્રણ લાખ જેવા થયા છે, અને તેને લોક કરી દેવાયા છે, હવે બાકી રહેતા ૪ થી ૪ાા લાખ ડોકયુમેન્ટને તા. ૯ સુધીમાં અપલોડ કરી લોક કરી દેવા કલેકટરે આદેશો કર્યા છે, અને તેનો રીપોર્ટ કરવા પણ સુચના આપી છે, જેમાં સૌથી વધુ રાજકોટ તાલુકામાં ૧ લાખ ૩૬ હજાર જેવા થવા જાય છે, કલેકટરના આ આદેશથી દરેક મામલતદારો હાલ ધંધે લાગી ગયા છે, અત્રે એ નોંધનીય છે કે ૧૯પ૧ થી ર૦ર૧ સુધીમાં કુલ ૧૬ લાખ દસ્તાવેજો - ડોકયુમેન્ટો અને ૮૦ લાખ જેવી નોંધો નોંધાયેલી છે.

અત્રે એ નોંધનીય છે કે, રાજકોટના ઝોન-૧ માં જુના રાજકોટ વિસ્તાર, ઝોન-ર માં રેલનગર-મોરબી રોડ, રણછોડનગર, લાતી પ્લોટ, સામાકાંઠો વિસ્તાર, ઝોન-૩ માં કાશી વિશ્વનાથ પ્લોટ, સદર બજાર, ફુલછાબ ચોક વિસ્તાર, ઝોન-પ માં યાજ્ઞિક રોડ, અમીન માર્ગ, ઝોનમાં ૬ માં મવડી, ઝોન-૭ માં કોઠારીયા અને ઝોન-૮ માં રાજકોટનો ગ્રામ્ય તથા રૂડા વિસ્તારનો સમાવેશ થાય છે.