Gujarati News

Gujarati News

News of Thursday, 10th September 2020

'જુગ જુગ જીવો નરેન્દ્રભાઇ' : શહેર ભાજપ દ્વારા 'સેવા સપ્તાહ' સ્વરૃપે ઉજવાશે જન્મ દિવસ

મેયર બંગલે મળી બેઠક : સફાઇ ઝુંબેશ, વૃક્ષારોપણ, રકતદાન કેમ્પ, દિવ્યાંગોને સાધન સહાય સહીતના કાર્યક્રમોની રૃપરેખા તૈયાર

રાજકોટ : આગામી ૧૭ સપ્ટેમ્બરના દેશના વડાપ્રધાન શ્રી નરેન્દ્રભાઇ મોદીનો જન્મ દિવસ હોય પ્રદેશ ભાજપની યોજના મુજબ 'સેવા સપ્તાહ' તરીકે ઉજવણી કરવા શહેર ભાજપ દ્વારા આયોજન કરાયુ છે. જેની તૈયારી અર્થે મેયર બંગલે એક બેઠક શહેર ભાજપ પ્રમુખ કમલેશ મિરાણીની અધ્યક્ષતામાં મળી હતી. ગુજરાત મ્યુ. ફાઇનાન્સ બોર્ડના ચેરમેન ધનસુખ ભંડેરી, પ્રદેશ ભાજપ અગ્રણી નીતિન ભારદ્વાજ, શહેર ભાજપ મહામંત્રી જીતુભાઇ કોઠારી, ધારાસભ્ય અરવિંદ રૈયાણી, ડે. મેયર અશ્વિન મોલીયા, ભાનુબેન બાબરીયા, કાશ્મીરાબેન નથવાણી વગેરે તેમજ અપેક્ષિત કાર્યકરો ઉપસ્થિત રહ્યા હતા. બેઠકનું સંચાલન શહેર ભાજપ મહામંત્રી જીતુભાઇ કોઠારીએ કરેલ. જયારે સાંધિક ગીત મનીષ ભટ્ટે રજુ કરેલ. સપ્તાહભર કાર્યક્રમોની વિગતો જાહેર કરાઇ હતી. જેમાં તા. ૧૪ થી ૧૭ સુધી દરેક વોર્ડમાં જરૃરીયાતમંદ દિવ્યાંગ લોકોને સાધન સહાય, વિવિધ વિસ્તારોમાં સફાઇ ઝુંબેશ, વૃક્ષારોપણ, માસ્ક વિતરણ, રકતદાન કેમ્પ, નોન કોવિડ હોસ્પિટલોમાં ફ્રુટ વિતરણ સહીતના કાર્યક્રમો આયોજીત કરાયા  છે.  સમગ્ર બેઠકને સફળ બનાવવા શહેર ભાજપ કોષાધ્યક્ષ અનિલભાઇ પારેખ, શહેર ભાજપ કાર્યાલય મંત્રી હરેશભાઇ જોષી અને પી. નલારીયને જહેમત ઉઠાવી હતી.

(4:14 pm IST)
  • તાલુકા મામલતદાર કચેરીમાં ભુકંપઃ આજે કોરોના માટે યોજાયેલ કેમ્પમાં એકી સાથે ૪ને કોરોના જાહેર સીટી પ્રાંત-ર ના ડ્રાઇવર પણ ઝપટેઃ સેનેટાઇઝર કરવાનું શરૂ :રાજકોટમાં કોરોનાનો કાળો કેર યથાવત છેઃ આજે તાલુકા મામલતદાર કથીરિયાએ કોરોના ચેકીંગ માટે સ્પે. કેમ્પ યોજયો હતો, જેમાં એકી સાથે ૪ કર્મચારીને કોરોના વળગતા તમામને હોમ આઇસોલેશન કરી દેવાયા છેઃ આ ૪ કેસમાં ઇ-ધારાના બે કોમ્પ્યુટર ઓપરેટર સીટી પ્રાંત-ર ના ડ્રાઇવર તથા તલાટી મેડમના એક ભાઇનો સમાવેશઃ બંને કચેરીને સેનેટાઇઝર કરવાનું શરૃઃ ૮ને રજા પર ઉતરાયા access_time 3:53 pm IST

  • કંગનાની ઓફિસમાં અંદર-બહાર બંને સ્થળે તોડફોડ... : કંગના રણૌતની મુંબઇ ઓફિસમાં અંદર અને બહાર બન્ને જગ્યાએ મુંબઇ કોર્પોરેશન દ્વારા તોડફોડ થયાનું ન્યુઝ ૧૮ જણાવે છે. access_time 6:16 pm IST

  • અમેરિકાના ઓરેગનમાં આવેલા જંગલમાં ભીષણ આગ : સખત તાપમાનને કારણે ફાયર ફાઈટર પણ પાછા ફર્યા : અનેક ઘરો બળીને ખાખ : 4 લાખ 70 હજાર એકર જમીનમાં આગની જ્વાળાઓ ફેલાતા અનેક લોકોનું સ્થળાંતર કરાયું access_time 11:46 am IST