Gujarati News

Gujarati News

News of Monday, 23rd November 2020

ચોખા કૌભાંડઃ દુકાનદાર બદરૂદીન વિરાણીનું લાયસન્સ ૯૦ દિ' માટે સસ્પેન્ડઃ તપાસ ચાલુઃ દુકાનમાં ૫૦ હજારના ઘઉં-ચોખા-ખાંડ સીઝ

બદરૂદીને પોતાના ચોખા હોવાનુ અને દિનેશ નીચાણીને વેચ્યાનું કબુલ્યુઃ પુરવઠા હવે દિનેશની પૂછપરછ કરશે

રાજકોટ, તા. ૨૩ :. રાજકોટના સસ્તા અનાજના દુકાનદાર બદરૂદીન સૈફુદીન વિરાણીએ ગરીબોને દેવાતા ચોખાના ૪૭ બાચકા-બારોબાર કાળાબજારમાં ધકેલી દીધા અને પોલીસે તે કૌભાંડ ઝડપી લીધુ બાદમા આજે ડીએસઓ શ્રી પૂજા બાવળાએ આકરા પગલા લઈ બદરૂદીનની દુકાન ઉપર દરોડો પાડયો હતો. ઈન્સ્પેકટરો કિરીટસિંહ ઝાલા, રવિરાજસિંહ ઝાલાની ટીમ આ લખાય છે ત્યારે હજુ પણ તપાસ - નિવેદનો લઈ રહી છે.

દરમિયાન પ્રાથમિક તપાસમાં બદરૂદીને આ કૌભાંડ કબુલી લેતા અને પોતાના જ ચોખા હોવાનું પુરવઠાને નિવેદન આપતા ઈન્સ્પેકટરોએ બપોર સુધીમાં ઘઉં, ચોખા, ખાંડ, તેલ અને કેરોસીન મળી કુલ ૫૦ હજારનો જથ્થો સીઝ કરી દીધો છે અને બપોરે ૨ વાગ્યે પણ તપાસ ચાલુ રાખી છે. બદરૂદીને પોતે આ ચોખાનો જથ્થો પોલીસે પકડી લીધેલા દિનેશ નીચાણીને વેચ્યાની કબુલાત આપતા પુરવઠા હવે દિનેશનું નિવેદન લઈ ગોંડલ યાર્ડમાં કયા વેપારીને ચોખા આપવાના હતા તે અંગે તપાસ શરૂ કરશે. દરમિયાન ડીએસઓ શ્રી પૂજા બાવળાએ 'અકિલા'ને જણાવ્યુ હતુ કે દુકાનદાર બદરૂદીનનું લાયસન્સ ૯૦ દિવસ સસ્પેન્ડ કરી નખાયુ છે. ફોજદારી અંગે હવે નિર્ણય લેવાશે. દુકાનમાં ૧૧ કટ્ટા ખાંડ, ૪૬૦ લીટર કેરોસીન, ૧૨૦ કટ્ટા ચોખા, ૪ કટ્ટા ઘઉં અને કપાસીયા તેલના ૧૮૦ પાઉચ સીઝ કરી દેવાયા છે.

(3:52 pm IST)
  • સાંસદો માટે દિલ્હીમાં બન્યા આલીશાન મલ્ટી સ્ટોરી ફ્લેટ : 4 બેડરૂમ, ઓફિસ, સ્ટાફ ક્વાર્ટર સહિતની અદ્યતન સુવિધા ધરાવતા વેલ ફર્નિસ્ડ ફ્લેટનું વડાપ્રધાન શ્રી નરેન્દ્ર મોદીએ ઉદઘાટન કર્યું : ગંગા, યમુના તથા સરસ્વતી નામક 3 ટાવરમાં 218 કરોડ રૂપિયાના ખર્ચે 76 ફ્લેટ બનાવાયા : જડબેસલાક સિક્યુરિટી વ્યવસ્થા ,દરેક ટાવરમાં 4 ઓટોમેટિક લિફ્ટ, ફાયર સુરક્ષા, સોલાર પેનલ્સ, જનરેટર સહિતની સુવિધા access_time 1:15 pm IST

  • કોરોના મહામારીને લીધે લાંબા સમય સુધી બંધ રહ્યા પછી અમદાવાદનું સુપ્રસિદ્ધ કેમ્‍પ હનુમાન મંદિર આજે ખોલી નાખવામાં આવ્‍યું છે. જોકે ટોકન સિસ્‍ટમ્‍સથી ૨૦૦ ભક્‍તોને જ પ્રવેશ આપવામાં આવશે.. access_time 5:12 pm IST

  • સાર્વજનિક સંડાસ તૂટી પડ્યુ : મહિલા કાટમાળમાં ફસાઈ : મુંબઈના કુર્લામાં એક જાહેર શૌચાલય તૂટી પડતા એક મહિલા ફસાઈ ગઈ છે : બચાવ અભિયાન ચાલુ છે access_time 11:31 am IST