Gujarati News

Gujarati News

News of Saturday, 27th February 2021

મોરબીમાં ઘરકામ અને મકાન લેવા માટે પાંચ લાખની માંગણી કરી બિંદીયાબેનને ત્રાસ

રાજકોટ માવતરે રહેતા બીંદીયાબેનની ફરિયાદ પરથી પતિ નિકુંજ, સસરા નવીનભાઇ અને બે નણંદ તેજલબેન અને રક્ષાબેન સામે ગુનો

રાજકોટ,તા. ૨૭: યુનિવર્સિટી રોડ પર પેરેમાઉન્ટ પાર્કમાં માવતરના ઘરે રહેતી મહિલાને મોરબીમાં પતિ, સસરા અને બે નણંદ ઘરકામ બાબતે અને મકાન લેવા માટે માવતરેથી પાંચ લાખની માંગણી કરી ત્રાસ આપતા ફરિયાદ થઇ છે.

મળતી વિગત મુજબ યુનિવર્સિટી રોડ પેરેમાઉન્ટ પાર્ક શેરી નં. ૫માં માવતરના ઘરે રહેતા બિંદીયાબેન નિકુંજ બગથરીયા (ઉવ.૩૦)એ મહિલા પોલીસ મથકમાં નોંધાવેલી ફરિયાદમાં મોરબી સામાકાંઠે રૂષભ -૪માં રહેતા પતિ નિકુંજ બગથરીયા, સસરા નવીનભાઇ કેશુભાઇ બગથરીયા, જામનગર ગોકુલનગર સાઇનાવાળી ગલી શેરી નં. ૬માં રહેણા નણંદ તેજલબેન હરેશભાઇ સોલંકી અને રાજકોટ ભકિતનગર સર્કલ ગાયત્રીનગરમાં રહેતા નણંદ રક્ષાબેન ચિરાગભાઇ શીશાંગીયાના નામ આપ્યા છે. બિંદીયાબેને ફરિયાદમાં જણાવ્યુ છે કે પોતાના પાંચ વર્ષ પહેલા મોરબીના નિકુંજ બગથરીયા સાથે લગ્ન થયા હતા. પતિ સીરામીકના કારખાનામાં નોકરી કરે છે. લગ્ન જીવન દરમ્યાન પોતાને સંતાનમાં એક પુત્રની પ્રાપ્તી થઇ હતી. લગ્નના થોડા સમય બાદ પતિ મોબાઇલ ફોનમાં વ્યસ્થ રહેતા પોતાના પર અને પુત્ર પર ધ્યાન આપતા ન હતા અને પતિ અને સસરા ઘરકામ બાબતે મેણાટોણા મારી ગાળો આપતા હતા પતિ નજીવી બાબતે ઉશ્કેરાઇને મારકૂટ કરતા હતા અને સસરાએ મકાન લેવા બાબતે ૫ લાખની માંગણી કરી હતી. તથા બંને નણંદ પતિ અને સસરાને ચઢામણી કરતા પતિ અને સસરા મેણાટોણા મારી શારીરીક માનસીક ત્રાસ આપતા હતા અને જો માવતરે નહિ જાય તો જાનથી મારી નાખવાની ધમકી આપતા પોતે ગત દિવાળીએ માવતરે આવ્યા હતા. બાદ પતિ અને સસરા સાથે સમાધાનના પ્રયત્નો કર્યા છતા પતિ પોતાને તેડવા ન આવતા પોતે મહિલા પોલીસ સ્ટેશનમાં ફરિયાદ નોંધાવતા એ.એસ.આઇ એન.જે.બેલીમે તપાસ હાથ ધરી છે.

(2:43 pm IST)
  • કોરોનાના વધતા કેસથી યુપી અને ઓરિસ્સા સરકાર એલર્ટ : અન્ય રાજ્યોમાંથી આવનાર માટે ક્વોરેન્ટાઇન અનિવાર્ય : ઓરિસામાં હવે મહારાષ્ટ્ર, કેરળ, તમિલનાડુ,છત્તીસગઢ,મધ્યપ્રદેશ, તેલંગાણા, પશ્ચિમ બંગાળ , પંજાબ, દિલ્હી, ચંદીગઢ, કર્ણાટક,અને આંધ્રપ્રદેશથી આવનારા લોકોને 7 દિવસ હોમ આઇસોલેશન ફરજીયાત કરાયું access_time 12:44 am IST

  • પશ્ચિમ બંગાળમાં કોલસા કૌભાંડમાં મોટો ખુલાસો : ખાનગી જમીનમાંથી કાઢીને વેચી નાખ્યો કોલસો : સીબીઆઈએ પત્ર લખીને કાર્યવાહીની કરી માંગ : કૈટલ સ્મગલિંગ અને કોલસા સ્મગલિંગમાં કેટલાક ચાર્ટડ એકાઉન્ટન્ટની મદદથી શેલ કંપનીઓ બનાવાઈ : લાંચની રકમનું મની લોન્ડરિંગ કરવા સાથે મોટા પાયે બેનામી સંપત્તિની ખરીદી access_time 12:52 am IST

  • કોરોનાનો કહેર વધતા આંતરરાષ્ટ્રીય યાત્રી ઉડાનો પર 31મી માર્ચ સુધી પ્રતિબંધ લંબાવાયો : DGCAએ ભારત આવનારી અને અહીંથી જનાર વાણિજ્યીક આંતરરાષ્ટ્રીય ઉદયન પર પ્રતિબંધ 31 માર્ચ સુધી વધારી દીધો access_time 12:48 am IST