Gujarati News

રાજકોટ તા. ૨૮ : ‘સ્‍વચ્‍છ સર્વેક્ષણ-૨૦૨૩' અન્‍વયેﾠ3R (રીયુઝ, રીસાઇકલ તેમજ રીડયુસ)  Initiativesﾠઅંગે રાજકોટ મહાનગરપાલિકાની સોલિડ વેસ્‍ટ મેનેજમેન્‍ટ શાખા તથા આરોગ્‍ય શાખા દ્વારા તા.૨૭ના રોજ શહેરના બેન્‍કવેટ હોલ/વાડીના સંચાલકો તેમજ જુદા-જુદા પ્રસંગોમાં કેટરિંગ સર્વીસ આપતી એજન્‍સીઓને માર્ગદર્શન અંગે કેમ્‍પ યોજાયો.

આ કેમ્‍પમાં તેઓ દ્વારા થતા તમામ કાર્યક્રમમાંﾠ3Rﾠપ્રિન્‍સીપલનું પાલન કરી, રીયુઝેબલ કટલેરી તથા વાસણોનો ઉપયોગ કરવા તેમજ પ્રતિંબધીત પ્‍લાસ્‍ટીક અને ૨૦૦ﾠએમએલﾠકે તેથી નાની બોટલનો ઉપયોગ ન કરવા અંગેની સમજણ આપવામાં આવેલ.

આ તકે ઉપસ્‍થિત તમામ એજન્‍સીઓ દ્વારા તેઓના તમામ કાર્યક્રમોમાં 3Rﾠપ્રિન્‍સીપલ મુજબ ઉત્‍પન્ન થતાં કચરાને રીયુઝ, રીસાઇકલ તેમજ રીડયુસ કરવામાં રાજકોટ મહાનગરપાલિકાને સહકાર આપશે તેવી બાહેધરી આપવામાં આવેલ છે.