Gujarati News

મોરબી ; આઠમો રાજયકક્ષાનો ઇનોવેશન ફેસ્ટિવલ ઈડર ખાતે તાજેતરમાં સંપન્ન થયો હતો.આ રાજયકક્ષાનો ઇનોવેશન ફેસ્ટિવલમાં મોરબી જિલ્લાના પાંચ શિક્ષકોની કૃતિઓ રજૂ કરવામાં આવી હતી.

જીસીઈઆરટી ગાંધીનગર અને શિક્ષણ વિભાગ ગુજરાત સરકાર પ્રેરિત રાજ્યકક્ષાનાં એજ્યુકેશનલ ઇનોવેશન ફેસ્ટિવલનું આયોજન તારીખ 26 થી 28 ફેબ્રુઆરીનાં રોજ સાબરકાંઠાનાં ઈડર ખાતે કરવામાં આવ્યું હતું.જેમાં ગુજરાતનાં દરેક જીલ્લામાંથી પસંદ થયેલ પાંચ-પાંચ શિક્ષકોએ પોતાના નવતર પ્રયોગ રજુ કર્યા હતાં.શિક્ષણમંત્રી કુબેરભાઈ ડીંડોર, રમણલાલ વોરા અને નિયામક ડી.એસ.પટેલે આ કાર્યક્રમમાં હાજરી આપી હતી.

 આ ઇનોવેશન ફેસ્ટિવલમાં મોરબી જિલ્લામાંથી પ્રાથમિક વિભાગમાં પ્રથમ ક્રમે પસંદ થયેલ બેચરભાઈ ગોધાણી,બીજા ક્રમે સુષ્માબેન પડાયા,ત્રીજા ક્રમે વિમલભાઈ પટેલ તેમજ ચોથા ક્રમે માધ્યમિક વિભાગના પ્રવિણભાઈ વાટકિયા અને પાંચમા ક્રમે અમિતભાઈ તન્નાએ શિક્ષણક્ષેત્રે કરેલ પોતાના નવતર પ્રયોગો રજુ કર્યા હતાં.