Gujarati News

મોરબીમાં કાર્યરત વિવિધ ફેક્ટરીઓના માલિકો દ્વારા છેલ્લા બે વર્ષથી જીઇબીને રેગ્યુલર પાવર આપવા બાબતે સતત રજૂઆત કરવામાં આવે છે પરંતુ તેમના મતે તેમની રજૂઆતને જીઇબી વાળા કોઈપણ પ્રકારની દાદ આપતા નથી અને તેમની સમસ્યાઓનો પણ નિકાલ કરતા નથી જેને પગલે દરેક ફેક્ટરીને દૈનિક પાવરટ્રીપના કારણે 30 થી 50 હજારની નુકસાની ભોગવવી પડે છે તેનો નિકાલ પણ જીઈબી દ્વારા કરવામાં આવતો નથી તેવો આક્ષેપ કરવામાં આવ્યો છે.

આ મામલે મોરબીમાં કાર્યરત દરેક ફેક્ટરીના માલિકો તથા મજૂરો કે જેમની રોજી રોટી આ સમસ્યાના કારણે અટકી પડી છે તેઓ સાથે મળીને ન છૂટકે જીઇબીની કચેરીનો ઘેરાવ કરશે. અને આગામી તારીખ ૧૬ ફેબ્રુઆરીના રોજ આશરે ૧૦૦૦થી ૧૨૦૦ જેટલા મજૂરો અને દરેક ફેક્ટરીના માલિકો આ નુકસાનીની જવાબદારી સોંપવા જીઇબી ખાતે ઉપસ્થિત થશે અને પોતાની સમસ્યા અંગે જીઈબીનો ઘેરાવ કરશે અને ધરણાં કરશે તેવું ફેક્ટરી માલિકોની યાદીમાં જણાવવામાં આવ્યું છે.