Gujarati News

Gujarati News

News of Thursday, 17th September 2020

જસદણ પાલિકા દ્વારા એકાંતરા પાણી વિતરણ કરવા રજુઆત

નગરપાલિકા દ્વારા હાલ દર ચોથા દિવસે પીવાનું પાણી વિતરણ થાય છે

(વિજય વસાણી દ્વારા) આટકોટ તા.૧૭: જસદણ શહેરને પીવાનું પાણી પુરુ પાડતો આલણસાગર ડેમ ઓવરફલો થતો હોય શહેરમાં એકાંતરા પાણી વિતરણ કરવા પાલિકાના પુર્વ ચેરમેન બિજલ ભેસજાળીયાએ રજુઆત કરી છે.

જસદણ શહેરને પીવાનું પાણી પૂરું પાડતું આલણસાગર તળાવ કુદરતની મહેરબાનીથી ઓવરફલો થઈ ગયું છે. જેના કારણે ડેમનું વધારાનું પાણી ભાદર નદીમાં વહી રહ્યું છે. છતાં જસદણ નગરપાલિકા દ્વારા હાલ જસદણ શહેરભરમાં દર ચોથા દિવસે પીવાનું પાણી વિતરણ કરવામાં આવી રહ્યું છે. જેથી બીજલભાઈ ભેસજાળીયાએ શહેરભરમાં એકાંતરા પીવાનું પાણી વિતરણ કરવામાં આવે તેવી ચીફ ઓફિસરને લેખિતમાં રજૂઆત કરી હતી. જેમાં જણાવ્યું હતું કે, જસદણના શહેરીજનોનું જીવાદોરી સમાન ગણાતું આલણસાગર તળાવ હાલ કુદરતની મહેરબાનીથી છલોછલ ભરાઈ ગયું છે. આ તળાવનું વધારાનું પાણી ભાદર નદીમાં વહી રહ્યું છે. જેથી તળાવનું વધારાનું પાણી નદીમાં વહી જાય છે તેના કરતા જસદણના લોકોને વધારે પીવાનું પાણી આપવામાં આવે તો લોકોનો પીવાના પાણીનો પ્રશ્ન હલ થઈ શકે તેમ છે. જેથી જસદણ નગરપાલિકા દ્વારા શહેરીજનોને એકાંતરા પીવાનું પાણી મળી રહે તેવી યોગ્ય વ્યવસ્થા કરી આપવા લેખિતમાં માંગ કરવામાં આવી હતી.હવે જસદણ નગરપાલિકાના ચિફ ઓફિસર એકાતરા પાણી પીવાનું પાણી આપશે કે પાણીમાં બેસી જશે તેવો સવાલ છે.

(12:01 pm IST)
  • જાણીતા શ્રમિક નેતા હસુભાઈ દવે અને તેમના લઘુબંધુ આરએસએસના નેતા નરેન્દ્રભાઈ દવે સહિતના પરિવારજનોને કોરોના : કેએસપીસીના પ્રમુખ મહાત્મા ગાંધી લેબર ઈન્સ્ટીટ્યુટના વાઈસ ચેરમેન અને દેશના જાણીતા શ્રમિક નેતા હસુભાઈ દવે અને તેમના લઘુબંધુ આરએસએસના પ્રાતસહઃ વ્યવસ્થા પ્રમુખ નરેન્દ્રભાઈ દવે સહિતના પરિવારને કોરોના પોઝીટીવ : ચિંતાની લાગણી access_time 11:19 am IST

  • અયોધ્યામાં નિર્માણ થઇ રહેલી મસ્જિદનું નામ ' બાબરી મસ્જિદ ' નહીં હોય : મસ્જિદને કોઈ નામ હોતા નથી : લોકો તેને જામા મસ્જિદ કે બાબરી મસ્જિદ તેવા નામ આપે છે : નવી નિર્માણ પામનારી મસ્જિદમાં હોસ્પિટલ ,લાયબ્રેરી ,પ્રદર્શન ,સહીત જુદા જુદા વિભાગો પણ તૈયાર કરાશે : મસ્જિદના આર્કીટેક પ્રોફેસર ડો.સૈયદ મોહમ્મદ અખ્તર access_time 12:05 pm IST

  • ધારાશાસ્ત્રીએ દસ લાખના : વળતરની માગણી કરી : મોટર એકલા ચલાવતી વેળાએ માસ્ક નહિ પહેરવા સબબ એક ધારાશાસ્ત્રીને પાંચસો રૂપિયાનો દંડ ફટકારવામાં આવતા તેમણે દિલ્હી હાઇકોર્ટમાં પડકાર ફેંકી દસ લાખ રૂપિયાના વળતરની માગણી કરી છે. access_time 7:32 pm IST