Gujarati News

Gujarati News

News of Friday, 20th November 2020

આણંદપર ભાડલામાં બે પરિવાર વચ્ચે ધબધબાટીઃ ૪ ઘવાયા

દાદુભાઇ, દિનેશભાઇ, રમેશભાઇ અને વાલજીભાઇ સારવારમાં: સમજાવવા જતા બધાભાઇ, રાહુલ, જગદીશ, મહેશ અને વિજય સહિત તુટી પડયા

રાજકોટ તા.ર૦ : ચોટીલાના આણંદપર ભાડલામાં દીકરીના લગ્ન બાબતે થયેલી બોલાચાલી બાદ બે પરિવાર વચ્ચે ડખ્ખો થતા ચાર વ્યકિતને સારવાર માટે રાજકોટ સિવિલ હોસ્પિટલમાં ખસેડાયા છે.

મળતી વિગત મુજબ આણંદપર, ભાડલા ગામમાં રહેતા દાદુભાઇ ભલાભાઇ વાઘેલા, (ઉ.પપ), દિનેશભાઇ વાલજીભાઇ વાઘેલા (ઉ.૩૪), રમેશભાઇ ભલાભાઇ વાઘેલા, (ઉ.પ૦) અને વાલજીભાઇ માણસસુરભાઇ વાઘેલા (ઉ.પપ) સવારે પોતાના ઘરે હતા ત્યારે બધાભાઇ, રાહુલ, જગદીશ, મહેશ, વિજય તથા અજાણ્યા શખ્સોએ આવી કુહાડાવડે તથા ઘોડા અને પાઇપ આવીને ઝઘડો કરી ઉશ્કેરાઇને હુમલો કરતા દાદુભાઇ, દિનેશભાઇ, રમેશભાઇ અને વાલજીભાઇને માથા તથા શરીરે ઇજા થતા ચારેયને સારવાર માટે સિવિલ હોસ્પિટલમાં ખસેડાયા છે.

આ બનાવમાં રમેશભાઇ ની દીકીરીની સગાઇ કીડી કડીયાણા ગામમાં કરવામાં આવી હતી બાદ તેના લગ્ન કરવાની વાતચીત ચાલતી હતી ત્યારે મહેશ બધા આવીને માથાકુટ કરી હતી આ મામલે ડખ્ખો થયો હોવાનું ઇજાગ્રસ્ત ચારેય વ્યકિતએ જણાવ્યું હતું આ અંગે સિવિલ હોસ્પીટલ ચોકના ઇન્ચાર્જે જાણ કરવા ચોટીલા પોલીસે તપાસ આદરી છે.

(3:44 pm IST)
  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 12 વાગ્યા સુધીમાં કોરોનાના નવા 45,877 કેસ નોંધાયા :કુલ કેસનો આંકડો 90,50,212 થયો :એક્ટીવ કેસ ઘટીને 4,39,839 થયા:વધુ 48,560 દર્દીઓ સ્વસ્થ થતા કુલ 84,75,576 રિકવર થયા :વધુ 559 લોકોના મોત સાથે કુલ મૃત્યુઆંક 1,32,761 થયો access_time 1:06 am IST

  • શેરબજારમાં પ્રારંભે મોટો ઉછાળો : આજે સવારે શેરબજાર શરૂ થઈ ત્યારે સેન્સેકસમાં સીધો જ ૨૮૨ પોઈન્ટનો ઉછાળો જોવા મળ્યો હતો. અને આંક ૪૩,૮૮૨ ઉપર પહોંચેલ. જયારે નિફ્ટી ૭૮ પોઇન્ટ વધીને ૧૨૮૫૦ના આંકે પહોંચી ગઈ હતી. access_time 12:52 pm IST

  • ફેબ્રુઆરીમાં મેડિકલ કર્મચારી અને સિનિયર સિટીઝન માટે તથા એપ્રિલમાં દેશભરની પ્રજા માટે ઓકસફર્ડ કોરોના વેકસીન મળતી થઈ જશે : ભારતમાં ઓકસફર્ડ કોવિડ વેકિસન કોરોના વોરિયર્સ/ હેલ્થ કેર કર્મચારીઓ તથા સિનિયર સિટીઝનોને ૨૦૨૧ના ફેબ્રુઆરી આસપાસ મળતી થઈ જશે. જયારે દેશની સામાન્ય પ્રજા માટે એપ્રિલ સુધીમાં ઓકસફર્ડ કોરોના વેકિસન મળવા લાગશે. તેના બે ડોઝની વધુમાં વધુ કિંમત ૧૦૦૦ રૂપિયા આસપાસ રહેશે તેમ સિરમ ઈન્સ્ટીટયૂટ ઓફ ઇન્ડિયાના સીઈઓ અદર પુનાવાલાએ કહ્યું છે. access_time 12:52 pm IST