Gujarati News

Gujarati News

News of Wednesday, 21st April 2021

અમરેલી જિલ્લામાં કોરોના મૃત્યુઆંકમાં ફરી ઉછાળો

સ્મશાનગૃહો અને કબ્રસ્તાનમાં ૩૫ની અંતિમવિધી થઇ

(અરવિંદ નિર્મળ દ્વારા) અમરેલી તા. ૨૧ : સોમવારે અમરેલીમાં મૃત્યુનું પ્રમાણ ઘટયા બાદ મંગળવારે ફરી ઉછાળો આવ્યો છે. કોરોનાની સારવાર લઇ રહેલા અને કોરોના વગર અન્ય કારણોસર મૃત્યુ પામવાના ૩૫ બનાવો બન્યા હતા.

અમરેલીના કૈલાશ મુકિતધામમાં ૧૩ કોરોનાના દર્દી અને ૫ અન્ય શહેરીજનો મળી ૧૮ તથા ગાયત્રી મોક્ષધામ ખાતે ૮ કોરોનાના દર્દી અને ૬ અમરેલીવાસીઓ મળી ૧૪ તથા અમરેલીના કબ્રસ્તાનમાં ખાંભાના નીંગાળા ગામના કોરોનાના પુરૂષ દર્દી અને ૨ અન્ય મળી ૩ સાથે કુલ ૩૫ અંતિમવિધિઓ થઇ હતી. આમ અમરેલી શહેરનાં ઘેરો શોક છવાયો છે.

અમરેલીમાં ખાંભાના ૫૦ વર્ષના પુરૂષ, નવી હળીયાદના ૭૫ વર્ષના પુરૂષ, બાઢડાના ૭૮ વર્ષના પુરૂષ, ચમારડીના ૪૫ વર્ષના પુરૂષ, જુના વાઘણીયાના ૫૨ વર્ષના પુરૂષ, લુણીધારના ૬૦ વર્ષના મહિલા, ગીરગઢડાના મોટા સમઢીયાળા ગામના ૩૮ વર્ષના મહિલા દર્દી, મોટા માંડવડાના ૬૪ વર્ષના પુરૂષ, મોટા આંકડીયાના ૭૨ વર્ષના પુરૂષ, રામપરતોરીના ૭૫ વર્ષના પુરૂષ, વિસાવદરના મોટા ભલગામના ૫૨ વર્ષના પુરૂષ, કુંડલાના અભરામપરાના ૬૫ વર્ષના પુરૂષ, વિંછીયાના અમરાપરના ૪૦ વર્ષના આધેડ, ધારીના ગોવિંદપુરના ૫૦ વર્ષના પુરૂષ, બાબરાના ૪૪ વર્ષના પુરૂષ, થોરડીના ૭૭ વર્ષના પુરૂષ તથા અમરેલી શહેરના જેશીંગપરાના ૫૮ વર્ષના પુરૂષ, ચિતલ રોડ પોસ્ટલ સોસાયટીના ૬૪ વર્ષના પુરૂષ સહિતના દર્દીઓનો સમાવેશ થાય છે.

(12:57 pm IST)
  • છેલ્લા 24 કલાક દરમ્યાન દેશમાં 1,45,000 થી વધુ લોકોએ કોરોનાનો મહાત કર્યો : જ્યારે 2,71,000 થી વધુ નવા કેસ અને 1780 થી વધુ દુઃખદ મૃત્યુ નોંધાયા છે : રાત્રે 10.15 વાગ્યાની સ્થિતિએ હજુ 6 રાજ્યોના છેલ્લા 24 કલાકના નવા કેસ રિપોર્ટ કરવાના બાકી છે. access_time 10:59 pm IST

  • આયુષ મંત્રાલયના નિર્દેશોના પગલે, ગુજરાતના ફૂડ એન્ડ ડ્રગ કંટ્રોલ એડમિનિસ્ટ્રેશન દ્વારા ગેરમાર્ગે દોરેલા દાવા બદલ રાજકોટ સ્થિત ઉત્પાદકને સમન્સ પાઠવવામાં આવ્યા છે, જેમણે કહ્યું છે કે તેમનું ઉત્પાદન 'આયુધ એડવાન્સ' એ 'કોવિડ ટ્રીટમેન્ટ માટે પહેલી ક્લિનિકલ રીતે ચકાસાયેલ દવા' છે અને તે રિમડેસિવીર કરતા ત્રણ ગણી સારી છે : PIB access_time 10:06 am IST

  • અમેરિકા : જ્યોર્જ ફ્લોયડના મૃત્યુમાં ભૂતપૂર્વ મિનીએપોલિસ અધિકારી ડેરેક ચૌવિનને ખૂન અને હત્યાકાંડના આરોપમાં દોષી ઠેરવવામાં આવ્યા છે. ફ્લોયડના મોતથી જાતિવાદ સામે વિશ્વવ્યાપી વિરોધ પ્રદર્શિત થયો હતો, જ્યારે વીડિયો બતાવવામાં આવ્યું હતું કે ચૌવિને તેના ગળા પર ઘૂંટણ લગાવીને જમીન પર ફ્લોઇડને દબાવવાથી તે મોતને ભેટ્યા હતા. access_time 10:07 am IST