Gujarati News

રાજકોટ, તા. રર :  સૌરાષ્ટ્ર-કચ્છમાં છેલ્લા બે દિવસથી મેઘ વિરામ થયો છે. આથી રાજકોટ સિંચાઇ વર્તુળ હેઠળના ૪ જળાશયોમાં પાણીની નજીવી આવક નોંધાઇ છે.

સિંચાઇ વિભાગમાં નોધાયેલ વિગતો મુજબ આજે તા. રર નાં સવારે એક માત્ર સુરેન્દ્રનગર જીલ્લાનાં લીંબડી ભોગાવો ડેમ-૧ માં ૧.૩૧ ફુટ નવા પાણીની નોંધ પાત્ર આવક થઇ હતી.

જયારે મોરબીનાં મચ્છુ-ર માં ૦.૧૦ ફુટ, અને બ્રહ્માણી-૧ ડેમમાં ૦.ર૬ ફુટ ત્થા બ્રાહ્માણી-ર ડેમમાં ૦.૧૬ ફુટ નવા પાણીની આવક નોંધાઇ હતી.