Gujarati News

Gujarati News

News of Tuesday, 23rd February 2021

ગોંડલ તાલુકાના સવા લાખ મતદારો જિલ્લા પંચાયતની ૫ અને તાલુકા પંચાયતની ૨૧ બેઠકો માટે મતદાન કરશે

સુલતાનપુર તાલુકા પંચયાતની બેઠક બીનહરીફ થતા ભાજપની બોડી : તાલુકાના ૯ બિલ્િંડગ અને ૧૭ બુથને સંવેદનશીલ જાહેર

(જીતેન્દ્ર આચાર્ય દ્વારા)ગોંડલ, તા.૨૩: ગોંડલનું રાજકારણ ગાંધીનગર થી લઇ દિલ્હી સુધી પ્રખ્યાત છે ત્યારે હાલ આવી રહેલ સ્થાનિક સ્વરાજયની ચૂંટણીમાં જિલ્લા પંચાયતની ૫ અને તાલુકા પંચાયતની ૨૧ બેઠક માટે ઉમેદવારો તનતોડ મહેનત કરી રહ્યા છે.

ગોંડલ તાલુકામાં કુલ ૧૨૨૩૦૦ મતદારો છે જેમાં પુરુષ ૧૧૫૩૯૦, સ્ત્રી ૧૦૬૯૧૦ મતદારોનો સમાવેશ થાય છે તાલુકા પંચાયત સુલતાનપુરની બેઠક બિનહરીફ જાહેર થતા ભાજપ ને બોણી થઈ જવા પામી છે. સ્થાનિક સ્વરાજયની ચૂંટણી શાંતિપૂર્ણ રીતે યોજાય તે માટે તંત્ર દ્વારા પણ કમર કસવામાં આવી હોય તાલુકાના ૧૦૦ બિલ્ડિંગના ૧૫૩ બુથ માંથી ૯ બિલ્ડીંગ ૧૭ બુથને સંવેદનશીલ જાહેર કરાયા છે જેમાં ખાસ કરીને પ્રાથમિક શાળા નાગડકા, મોવિયા ગ્રામ પંચાયત ઓફિસ, દીપક હાઇસ્કુલ મોવિયા, સરદાર સ્કૂલ મોવિયા, શિવરાજગઢ હાઈસ્કૂલ, શિવરાજગઢ ગ્રામ પંચાયત, શિવરાજગઢ પ્રાથમિક શાળા, હડમતાળા પ્રાથમિક શાળાનો સમાવેશ કરવામાં આવ્યો છે.

તંત્ર દ્વારા નાગડકાના ૨૦૧૭ના પરિબળો, મોવિયાનું અનામત આંદોલન, શિવરાજગઢની સાથણીની જમીનનો પ્રશ્ન, તેમજ હડમતાળા ગામે વર્ષ ૨૦૧૯ની લોકસભાની ચૂંટણી વેળાએ થયેલા દ્યર્ષણ ની નોંધ લેવામાં આવી છે.

(10:10 am IST)
  • વાહ !!! ક્લાઈમેટ ચેન્જની ચર્ચા દરમિયાન યુએનએસસીની બેઠકમાં ભારતે પ્રથમ વખત સંસ્કૃતનો ઉપયોગ કર્યો : કેન્દ્રીય પર્યાવરણ, વન અને આબોહવા પરિવર્તન પ્રધાન પ્રકાશ જાવડેકરે શુકલા યજુર્વેદના ટૂંકી સ્તુતિ સાથે ભારતના સંબોધનની શરૂઆત કરી હતી. access_time 11:19 pm IST

  • ૪ કોર્પોરેશનના તમામ પરિણામો જાહેર : (૧) રાજકોટ : ૭૨માંથી ૬૮ ભાજપ, ૪ કોંગ્રેસ (૨) જામનગર : ૬૪માંથી ૫૦ ભાજપ, ૧૧ કોંગ્રેસ, ૩ બસપા (૩) ભાવનગર : ૫૨માંથી ૪૪ ભાજપ, ૮ કોંગ્રેસ (૪) વડોદરા : ૭૬માંથી ૬૬ ભાજપ, ૧૦ કોંગ્રેસ : અમદાવાદ - સુરતની કેટલીક બેઠકોની ગણત્રી ચાલુ છે ત્યારે અમદાવાદમાં ૧૯૨માં ૧૩૯ બેઠકો ભાજપ મેળવે છે, કોંગ્રેસ ૧૫ અને ૧ અન્ય પક્ષને, મોડે સુધી ગણત્રી ચાલશે. જયારે સુરતમાં ૧૨૦ બેઠકમાંથી ૯૩ બેઠક ભાજપ મેળવી રહ્યું છે (૫૫ જાહેર થઈ), ૨૫ બેઠક ઉપર આપનો વિજય, ૨ ઉપર આપ આગળ છે, કોંગ્રેસને એક પણ મળી નથી. access_time 4:57 pm IST

  • ભારત- ઇંગ્લેન્ડ વ્હાઇટ બોલ સિરીઝમાં દિનેશ કાર્તિક બનશે કોમેન્ટેટર : તમિલનાડુના બેટ્સમેન દિનેશ કાર્તિક ભારત – ઈંગ્લેન્ડ વચ્ચે વ્હાઇટ બોલ સિરીઝમાં કોમેન્ટ્રી કરશે : 5 ટી -20 અને ત્રણ ત્રિદિવસીય મેચમાં કોમેન્ટ્રી કરશે જે 12મી માર્ચથી શરૂ થશે access_time 11:08 pm IST