Gujarati News

Gujarati News

News of Tuesday, 24th November 2020

સણોસરાના સંજયએ સગીરાને પ્રેમજાળમાં ફસાવી બળાત્કાર ગુજાર્યો, ભગાડી ગયો ને પાછી મુકી ગયો

કુવાડવા પોલીસે ગુનો નોંધી આરોપીને સકંજામાં લેવા તજવીજ કરીઃ એક વર્ષ પહેલા ઢગાના છૂટાછેડા થઇ ગયા છેઃ રક્ષામાં બેસાડી ચોટીલા તરફ લઇ ગયો'તોઃ લગ્નની લાલચ આપી દૂષ્કર્મ

રાજકોટ તા. ૨૪: દૂષ્કર્મની વધુ એક ઘટના સામે આવી છે. કુવાડવા તાબેના સણોસરામાં રહેતાં સંજય વિનુભાઇ કોળી (ઉ.વ.૨૨) નામના શખ્સે એક સગીરાને પ્રેમજાળમાં ફસાવી લગ્નની લાલચ આપી  એક ઘરમાં લઇ જઇ બળાત્કાર ગુજાર્યો હતો અને તેના બે દિવસ બાદ તેણીને રિક્ષામાં બેસાડી ભગાડી ગયો હતો. એ પછી બાળાને પેટમાં દુઃખાવો ઉપડતાં ઘરે મુકી ભાગી ગયો હતો. કુવાડવા પોલીસે તેને સકંજામાં લેવા તજવીજ હાથ ધરી છે.

સંજય વિરૂધ્ધ પોલીસે ભોગ બનનારા સગીરાના પિતાની ફરિયાદ પરથી આઇપીસી ૩૬૩, ૩૬૬, ૩૭૬ (૨) જે, ૩૭૬ (૩) તથા પોકસો હેઠળ ગુનો નોંધ્યો છે. ફરિયાદમાં આરોપ મુકાયો છે કે ફરિયાદીની સગીર દિકરીને સંજય ૧૯/૧૧ના બે દિવસ પહેલા વહેલી સવારે ચારેક વાગ્યે ભગાડી ગયો હતો. દિકરીની શોધખોળ આદરતાં બીજા દિવસે તે બાળાને પાછી મુકી ભાગી ગયો હતો.એ પછી બાળાને પેટમાં દુઃખાવો ઉપડતાં માતાએ પુછતાછ કરતાં તેણીએ કહ્યું હતું કે પોતાને ૧૯મીએ સંજય કોળી રિક્ષામાં ભગાડી ગયો હતો અને ચોટીલા તરફ લઇ ગયો હતો. એ પહેલા એટલે કે ૧૯મીના બે દિવસ પહેલા પોતાને લગ્નની લાલચ આપી એક ઘરમાં લઇ જઇ પોતાની સાથે દૂધકર્મ આચર્યુ હતું.

પીઆઇ એમ. સી. વાળા, હિતેષભાઇ ગઢવી સહિતે ગુનો નોંધ્યો છે. સંજયના એક વર્ષ પહેલા છૂટાછેડા થઇ ગયા છે. એ પછી તેણે બાળાને મોહજાળમાં ફસાવી હતી. સંજય ઝડપાયા બાદ પોલીસ વિશેષ તપાસ કરશે.

(11:46 am IST)
  • માસ્ક નહિ પહેરો તો આવશે ઘરે ઈ મેમો: સુરત મહાનગર પાલિકા હવે સીસીટીવી કેમેરાના આધારે વાહન ચાલકો પર નજર રાખશે. બાઇક ચાલક કે પાછળ બેઠેલા વ્યક્તિ એ માસ્ક નહિ પહેર્યું હોય તો ઘરે 1000 નો મેમો આવશે access_time 12:31 am IST

  • રાજસ્થાનમાં વધુ ૧૯ મોત: નવા 3314 કેસ : રાજસ્થાનમાં વધુ 19 મોત સાથે કોવિદનો મૃત્યુઆંક વધીને 2200 ઉપર પહોંચ્યો છે. નવા 3,314 કોરોનાના કેસો નોંધાતા કુલ કોરોના કેસોનો આંક 2,50,482 પર પહોંચ્યો છે. access_time 9:54 pm IST

  • નામ છુપાવીને લગ્ન કરનારને 10 વર્ષની જેલસજા થશે :' લવ જેહાદ ' મામલે ઉત્તર પ્રદેશ કેબિનેટમાં કડક કાયદો પસાર : વિધર્મી સાથે લગ્ન કરતા પહેલા ડીસ્ટ્રીકટ મેજિસ્ટ્રેટની મંજૂરી લેવી પડશે : બે મહિના પહેલા નોટિસ આપવી ફરજીયાત : મંજૂરી વિના ધર્મ પરિવર્તન કરી લગ્ન કરવા બદલ 6 માસથી 3 વર્ષ સુધીની જેલસજા થઇ શકશે : ઉપરાંત 10 હજાર રૂપિયાનો દંડ થશે : છેલ્લા થોડા દિવસોમાં ફરજીયાત ધર્માન્તર ,લવ જેહાદ ,સહિતના 100 જેટલા કિસ્સા બનતા યોગી સરકાર આકરા પાણીએ access_time 7:59 pm IST