Gujarati News

મોરબીમાં કારખાનામાં કમર કરતી વેળાએ અકસ્માતે દાઝી જતા આધેડનું મોત થયાની ઘટના સામે આવી છે. આ મુદ્દે મોરબી તાલુકા પોલીસે  ઘટના સ્થળે પહોંચીને ધોરણસરની કાર્યવાહી હાથ ધરી હતી.

આ અંગે પોલીસ દફ્તરેથી પ્રાપ્ત વિગતો અનુસાર સીમ્પોલો સિરામીક જુના ઘુંટુ રોડ પર રહેતા અને સિમ્પોલો સિરામીકમાં કામ કરતા ૪૬ વર્ષીય પુરણ અલુભાઇ આહીવાર તા.૨૪/૦૭/૨૦૨૨ ના કલાક ૨૦/૦૦ વાગ્યે કારખાનામાં કામ કરતા હતા ત્યારે કોઇપણ કારણોસર અકસ્માતે દાઝી જતા તેમનું મોત થયું હતું. આ અંગેની જાણ મોરબી તાલુકા પોલીસને તથા પોલીસ કાફલો ઘટના સ્થળે પહોંચ્યો હતો અને મૃતદેહને પોસ્ટમોર્ટમ અર્થે ખસેડી સી.આર.પી.સી કલમ્-૧૭૪ મુજબ ગુનો નોંધી કાયદેસરની કાર્યવાહી હાથ ધરી હતી.