Gujarati News

Gujarati News

News of Friday, 25th September 2020

ગીર સોમનાથ જિલ્લામાં 5 કોવિડ હોસ્પિટલ અને 60 બેડનું કોવિડ કેર સેન્ટર સોમનાથ ખાતે કાર્યરત

ઓક્સીઝન, આઇસીયુ અને વેન્ટિલેટર સુવિધા ઉપલબ્ધ

ગીરસોમનાથ જિલ્લામાં 5 કોવિડ હોસ્પિટલ કાર્યરત છે. આ ઉપરાંત 60 બેડનું કોવિડ કેર સેન્ટર સોમનાથ ખાતે કાર્યરત રાખવામાં આવેલા છે. જેના કારણે દર્દીઓને અન્યત્ર ખસેડવાની હવે જરૂર નહીં પડે તેમ માનવામાં આવી રહ્યું છે

કોવિડ 19 એટલે કે, નોવેલ કોરોના વાઇરસના સંક્રમિત દર્દીઓને સારવાર મળી રહે તે માટે ગીર સોમનાથ જિલ્લામાં 5 કોવિડ હોસ્પિટલ કાર્યરત છે. જેમાં ખાનગી કોવિડ હોસ્પિટલ-4 અને સરકારી હોસ્પિટલ-1 તેમજ 60 બેડનું કોવિડ કેર સેન્ટર સોમનાથ ખાતે કાર્યરત કરવામાં આવ્યું છે.

આ ઉપરાંત સરકારી હોસ્પિટલ વેરાવળ ખાતે 100 બેડ ઓક્સિજન સાથે 27 બેડ આઈસીયુ બેડ વેન્ટીલેટર સાથે કાર્યરત છે. જ્યારે ખાનગી હોસ્પિટલમા આદિત્ય બિરલા હોસ્પિટલ વેરાવળ ખાતે -30 બેડ ઓક્સિજન સાથે 6 બેડ આઈસીયુ સાથે અને 4 વેન્ટીલેટર ઉપલબ્ધ છે. શ્રીજી હોસ્પિટલ વેરાવળ ખાતે 21 બેડ જેમા 19 બેડ ઓક્સિજન સાથે 5 બેડ આઈસીયુ, 2- વેન્ટીલેટર ઉપલબ્ધ છે.

સોમનાથ હોસ્પિટલ વેરાવળ-30 બેડ જેમા 22 બેડ ઓક્સિજન સાથે 6-બેડ આઈસીયુ સાથે 1-વેન્ટીલેટર ઉપલબ્ધ છે. અલિફ હોસ્પિટલ વેરાવળ-30 બેડ સાથે 25 બેડ ઓક્સીજન સાથે 6-બેડ આઈસીયુ અને 1 વેન્ટીલેટર ઉપલબ્ધ છે.

(1:16 pm IST)
  • જમ્મુ કાશ્મીરમાં લશ્કર-એ-તૈયબાના બે આતંકી ઠારઃ ઓપરેશન શરૂ : જમ્મુ-કાશ્મીરના અનંતનાગ ખાતે આંતકીઓ સાથેની અથડામણમાં લશ્કર-એ-તૈયબાના બે આતંકી ઠાર મરાયા છે. સુરક્ષાદળોનું ઓપરેશન ચાલુ છે. access_time 11:29 am IST

  • અભૂતપૂર્વ ઘટના!! : ઉત્તર કોરીયાના તાનાશાહ કીમ જોંગ-ઉને દક્ષિણ કોરીયાની માફી માગી :દક્ષિણ કોરીયાના ઓફીસરની હત્યા કરવા માટે એક અભૂતપૂર્વ ઘટનામાં ઉત્તર કોરીયાના સરમુખત્યાર કીમ જોંગ-ઉને દક્ષિણ કોરીયાની માફી માગી હોવાનું દક્ષિણ કોરીયાના રાષ્ટ્રપતિની ઓફીસે જાહેર કર્યું છે. દ. કોરીયાએ કહેલ કે ૪૭ વર્ષનો વ્યકિત ઉત્તર કોરીયા જવા માગતો હતો ત્યારે તેને ફુંકી મારવામાં આવેલ. ઉત્તર કોરીયાએ પોતાના રાષ્ટ્રમાં કોરોના આવતો અટકાવવા માટે 'શુટ ટુ કીલ'ની નીતી અપનાવી છે. દ.કોરીયાના રાષ્ટ્રપતિ મુનને પત્ર પાઠવી કીમ-જોંગ ઉને માફી માગી લખ્યુ છે કે આવુ બનવુ જોઇતુ ન હતુ. ઉ-કોરીયાએ વિગતો જાહેર કરતા લખ્યુ છે કે આ વ્યકિત ઉપર ૧૦ શોટફાયર કરાયેલા. access_time 2:32 pm IST

  • સુવિખ્યાત પ્લેબેક સિંગર એસ.પી. બાલાસુબ્રમનિયમ નું નિધન : ગયા મહિને કોરોના સંક્રમિત થયા હતા : કોરોના સામેનો જંગ હાર્યા : આજ 25 સપ્ટે.2020 શુક્રવારે બપોરે 1 કલાક અને 4 મિનિટે અંતિમ શ્વાસ લીધા : બૉલીવુડ સહીત વિશાળ ચાહક વર્ગમાં શોકનું મોજું access_time 1:58 pm IST