Gujarati News

Gujarati News

News of Saturday, 27th February 2021

ભુજના પોસ્ટ કૌભાંડમાં મહિલા એજન્ટના પતિની ધરપકડ

ભુજ,તા. ૨૭:  રાવલવાડી પોસ્ટ ઓફિસમાં માસિક બચત ખાતા ધરાવતા ગ્રાહકોની પાસબુકમાં ઘાલમેલ કરીને લાખો રૂપિયાની રકમની ઉચાપત કર્યાનો મામલો કચ્છમાં ધણા લાંબા સમયથી ચર્ચામાં છે. આ મામલાની ગંભીરતાથી તપાસ પોસ્ટ વિભાગે શરૂ કરીને અંતે ભુજ એ ડીવીઝન પોલિસ મથકે મહિલા બચત એજન્ટ પ્રજ્ઞા ઠક્કર, તેના પતિ સચિન ઠક્કર તથા બે પોસ્ટ કર્મચારીઓ બી.આર.રાઠોડ તથા બટુક વૈષ્ણવ સામે ૩૪ લાખથી વધુની રકમની ઉચાપત, ખોટા સહી-સિક્કા તથા કોમ્પ્યુટર સીસ્ટમનો દુર ઉપયોગ કર્યો હોવાની ફરિયાદ નોંધાવી હતી. જે મામલે મહિલા એજન્ટ પ્રજ્ઞા ઠક્કરે આગોતરા જામીનની અરજી કરી હતી જોકે, આ અરજી ભુજ કોર્ટે રદ્દ કરી હતી. મહિલા એજન્ટના પતિ સચિન ઠક્કરની ભુજ એ ડીવીઝન પોલિસે ધરપકડ કરી છે. તેની પુછપરછ પછી કોર્ટમાં રિમાન્ડ માટે રજુ કરાશે. જોકે, આ સમગ્ર કૌભાંડમાં ઉચાપતની રકમનો આંકડો ખૂબ જ મોટો હોવાનું પણ ચર્ચામાં છે.

(11:30 am IST)
  • સવારે ૪ાા વાગે સુરત નજીક હળવો ભૂકંપ : વહેલી સવારે ૪.૩૫ વાગ્યે સુરત પાસે ૩.૧ની તીવ્રતાનો હળવો ભૂકંપનો આંચકો અનુભવાયો છે. ભૂકંપનું કેન્દ્ર બિંદુ સુરતથી ત્રીસેક કિ.મી. દૂર નોંધાયું હતું. હળવો ભૂકંપ હોય કેન્દ્ર બિંદુ આસપાસના વિસ્તારો સિવાય ખાસ અસર જોવા મળી ન હોવાનું ચર્ચાય છે. access_time 12:44 pm IST

  • ચીનમાં માનવાધિકારની સ્થિતિ પર સંયુક્ત રાષ્ટ્ર સંઘે વ્યક્ત કરી ચિંતા : કહ્યું કે સમીક્ષા કરવી જરૂરી :સંયુક્ત રાષ્ટ્રસંઘના પ્રમુખે કહ્યું કે ચીનના શિનજિયાંગ ક્ષેત્રમાં માનવાધિકારની સ્થિતિની સમીક્ષા કરવી જરૂરી છે : એમ પણ કહ્યું કે ચીનમાં કાર્યકર્તાઓ,વકીલો અબે માનવાધિકારના રક્ષકો પર જુઠા કેસ ચલાવી બંદી બનાવ્યા છે access_time 12:53 am IST

  • અમદાવાદમાં ક્રિકેટ સ્ટેડિયમનું નામ વડાપ્રધાન મોદીના નામ પર રાખવાનો નિર્ણય યોગ્ય : બાબા રામદેવે પીએમ મોદીને યુગ પુરુષ ગણાવતા કહ્યું કે મહાન વ્યક્તિઓના નામ પર ભાવનો અને સ્મારકોણ નામ રાખ્યા છે : ત્યારે હાલના મહાન વ્યક્તિત્વ મોદી અને તેમના નામ પરથી સ્ટેડિયમનું બામ રાખવું એમાં કઈ ખોટું નથી access_time 12:58 am IST