Gujarati News

રાજકોટઃ દિલ્હીમાં ગઇકાલે વિજય હઝારે ટ્રોફી વન–ડે ટુર્નામેન્ટની એલીટ, ગ્રુપ એ મેચમાં ઓપનર સમર્થ વ્યાસે(૨૦૦ રન, ૧૩૧ બોલ, ૯ સિકસર, ૨૦ ફોર) ડબલ સેન્ચુરી ફટકારીને અને સાથી–ઓપનર તથા વિકેટકીપર હાર્વિક દેસાઇ (૧૦૦ રન, ૧૦૭ બોલ, બે સિકસર, ૯ ફોર)એ ૨૮૨ રનની ભાગીદારીની મદદથી સૌરાષ્ટ્રને મણિપુર સામે યાદગાર વિજય અપાવ્યો હતો.
સૌરાષ્ટ્રની ટીમ ઓપનર્સની ભાગીદારી જેટલા જ (૨૮૨) રનથી જીતી ગઇ હતી. સૌરાષ્ટ્રએ ૪ વિકેટે જે ૩૯૭ રન બનાવ્યા હતા એમાં ચેતેશ્વર પુજારાના ૪૮ રન પણ હતા. મણિપુરના ૮ બોલર્સે બોલિંગ કરી હતી. મણિપુરની ટીમ સૌરાષ્ટ્રના લેફટ–આર્મ સ્પિનર ધર્મેન્દ્રસિંહ જોડજાની ૭ વિકેટના તરખાટને કારણે માત્ર ૧૧૫ રનના સ્કોેરે આઉટ થઇ ગઇ હતી. બે વિકેટ અર્પિત વસાવડાએ અને એક વિકેટ ચેતન સાકરિયાએ લીધી હતી.
આ ટુર્નામેન્ટની અન્ય મેચમાં યશસ્વી જૈસવાલના ૧૦૪ રન છતા મુંબઇનો સર્વિર્સિસ સામે ૮ વિકેટે પરાજય થયો હતો. મુંબઇના ૨૬૪/૯ સામે સર્વિર્સિસે ૪૫.૩ ઓવરમા૦ ૨૬૬/ રના સ્કોર સાથે જીત મેળવી હતી