ડો.શૈલેષ બારમેડાનો આજે ૬૦મો જન્મદિન
રાજકોટઃ મૂળ ભાણવડના વતની અને હાલ જૂનાગઢને પોતાની કર્મભૂમિ બનાવનાર ડો. શૈલેષ બારમેડા તબીબી ક્ષેત્રનું એક આદરણીય નામ છે. જૂનાગઢમાં કાર્યરત ‘બારમેડા સર્જીકલ હોસ્પિટલ' દ્વારા તેમણે આરોગ્ય સેવાના નવા આયામો પ્રસ્થાપિત કર્યા છે. અત્યાર સુધીમાં ૩૫,૦૦૦થી વધુ સફળ ઓપરેશન કરવાનો વિરલ વિક્રમ ધરાવતા ડો. બારમેડાએ હજારો દર્દીઓને નવજીવન આપ્યું છે. માત્ર વ્યવસાય જ નહીં, પરંતુ અનેક સામાજિક અને સેવાકીય સંસ્થાઓ સાથે જોડાઈને તેમણે સમાજ પ્રત્યેનું પોતાનું ઉત્તરદાયિત્વ પણ સુપેરે નિભાવ્યું છે. તેમની આ અવિરત અને નિઃસ્વાર્થ સેવાયાત્રાને કારણે જ તેઓ આજે તબીબી જગતમાં એક વિશિષ્ટ ઓળખ ધરાવે છે.
દર્દીને ‘નારાયણ'માનીને સેવા કરવાની તેમની ભાવનાએ તેમને લોકપ્રિયતાના શિખરે પહોંચાડ્યા છે. તેમની હોસ્પિટલ માત્ર સારવારનું કેન્દ્ર નથી, પરંતુ અનેક જરૂરિયાતમંદ પરિવારો માટે આશાનું કિરણ સાબિત થઈ છે. આજે જ્યારે તેમનો જન્મદિવસ છે, ત્યારે સોશિયલ મીડિયાથી લઈને સામાજિક વર્તુળોમાં તેમના પર અભિનંદનોની અવિરત વર્ષા થઈ રહી છે. તબીબી ક્ષેત્રે તેમણે આપેલું પ્રદાન અને માનવતાવાદી અભિગમ આવનારી પેઢીના તબીબો માટે હંમેશા પ્રેરણારૂપ બની રહેશે. ઈશ્વર તેમને દીર્ઘાયુ અને સ્વાસ્થ્યપ્રદ જીવન અર્પે તેવી મંગલ કામનાઓ સહ જન્મદિવસની હાર્દિક શુભેચ્છાઓ.
(2:46 PM IST)
છેલ્લા 8 દિવસમાં સૌથી લોકપ્રિય 
