તા. ૨૧ નવેમ્બર ર૦ર૬ વિક્રમ સંવત ર૦૮૩ કારતક સુદ – ૧૨ શનિવાર
News of Monday, 20th May 2024
ગુલ્લકની ચોથી સિઝનની જાહેરાત : પ્રથમ ભારતીય વેબ સિરીઝ

મુંબઈ: ‘ધ વાઈરલ ફીવર’ (ટીવીએફ) ‘પંચાયત’, ‘કોટા ફેક્ટરી’, ‘એસ્પિરન્ટ્સ’, ‘હોસ્ટેલ ડેઝ’ અને ‘પિક્ચર્સ’ જેવી શ્રેણીઓ માટે જાણીતી છે. આ દિવસોમાં TVFની 'પંચાયત 3' હેડલાઇન્સમાં રહે છે. દર્શકો આ વેબ સિરીઝની રિલીઝની આતુરતાથી રાહ જોઈ રહ્યા છે. આ બધાની વચ્ચે 'ધ વાઈરલ ફીવર' એ બીજી લોકપ્રિય શ્રેણી 'ગુલ્લક'ની ચોથી સિઝનની જાહેરાત કરી છે. 'ગુલક 4' ટૂંક સમયમાં રિલીઝ થવા માટે તૈયાર છે.‘ધ વાઈરલ ફીવર’ એ સોશિયલ મીડિયા ઈન્સ્ટાગ્રામ પર એક વીડિયો શેર કરીને ‘ગુલ્લક 4’ની જાહેરાત કરી. આ વીડિયોને શેર કરતી વખતે મેકર્સે લખ્યું છે કે, 'મિશ્રા પરિવારના ઘરની નવી વાર્તાઓ જોવા માટે તૈયાર થઈ જાઓ'. 'ગુલ્લક 4'ની જાહેરાત બાદથી દર્શકોમાં જબરદસ્ત ઉત્સાહ જોવા મળી રહ્યો છે. આ પહેલી મોટી ભારતીય વેબ સિરીઝ છે જેની ચોથી સિઝનની જાહેરાત કરવામાં આવી છે. લાઇટ હાર્ટેડ ફેમિલી એન્ટરટેનર શો 'ગુલક' દર્શકોના તમામ વર્ગોમાં લોકપ્રિય છે. શ્રેયાંશ પાંડે દ્વારા દિગ્દર્શિત આ શોએ કોઈ પણ મોટા સ્ટાર કે ધમાકેદાર શો વગર ધીમે ધીમે દર્શકોના દિલ જીતી લીધા છે. આ વેબ સિરીઝમાં જમીલ ખાન, ગીતાંજલિ કુલકર્ણી, વૈભવ રાજ ગુપ્તા અને હર્ષ માયર મહત્વની ભૂમિકામાં જોવા મળી રહ્યા છે.વેબ સિરીઝ 'ગુલ્લક' મધ્યમ વર્ગના મિશ્રા પરિવારની વાર્તા છે. એક પરિવાર જે એકબીજાને ખૂબ જ પ્રેમ કરે છે, પરંતુ સમય સમય પર તેમની વચ્ચે ઘણી તકરાર થતી રહે છે. આ શ્રેણી દરેક સામાન્ય મધ્યમવર્ગીય પરિવારના હૃદયને સ્પર્શે છે અને આ જ કારણ છે કે આ શ્રેણીને દેશભરમાં ખૂબ પ્રેમ મળ્યો છે.
(5:20 PM IST)









છેલ્લા 8 દિવસમાં સૌથી લોકપ્રિય 
