મુંબઈ: બ્રાડ પિટ હોલીવુડના સૌથી મોટા સ્ટાર્સમાંના એક છે. ચાહકો તેની ફિલ્મોની આતુરતાથી રાહ જોતા હોય છે. તે ફોર્મ્યુલા 1 રેસિંગ પર આધારિત ફિલ્મમાં જોવા મળશે. આ દરમિયાન તેની ફિલ્મને લઈને એક મોટી માહિતી સામે આવી છે. એપલ ઓરિજિનલ ફિલ્મ્સે તેને રિલીઝ કરવાનો નિર્ણય લીધો છે. આ સાથે જ ફિલ્મની રિલીઝ ડેટ પણ જાહેર કરવામાં આવી છે, મીડિયા રિપોર્ટ્સ અનુસાર, આ ફિલ્મ આવતા વર્ષે 25 જૂને રિલીઝ થશે. એપલે આ ફિલ્મને સિનેમાઘરોમાં રિલીઝ કરવા માટે વોર્નર બ્રધર્સ સાથે ભાગીદારી કરી છે. આ દિવસોમાં, કંપની મોટાભાગની ફિલ્મોને તેના સ્ટ્રીમિંગ પ્લેટફોર્મ Apple TV Plus પર લાવતા પહેલા થિયેટરોમાં રિલીઝ કરી રહી છે. અગાઉ એપલે 'નેપોલિયન'ની રિલીઝ માટે સોની, 'કિલર્સ ઓફ ધ ફ્લાવર મૂન' માટે પેરામાઉન્ટ અને 'આર્ગીલ' માટે યુનિવર્સલ જેવી કંપનીઓ સાથે ભાગીદારી કરી હતી.