મુંબઈ: બોલિવૂડ એક્ટર સંજય કપૂર હાલમાં પરિવાર સાથે યુરોપમાં રજાઓ માણી રહ્યો છે. તેણે લંડનના રિચમંડ હિલની સડકો પર લટાર મારતી કેટલીક તસવીરો સોશિયલ મીડિયા પર શેર કરી છે.સંજય કપૂરે ઈન્સ્ટાગ્રામ પર એક વીડિયો શેર કર્યો છે, જેમાં તે રિચમંડ હિલ પર નજરે પડી રહ્યો છે. આ વીડિયોમાં રિચમંડ હિલ, ઘરો, જૂની ખુરશીઓ અને શહેરની હરિયાળીનો સુંદર નજારો દેખાય છે.58 વર્ષીય અભિનેતા સંજય કપૂરે બે દિવસ પહેલા જ એક પોસ્ટ શેર કરી હતી. ફોટો શેર કરતી વખતે તેણે લખ્યું- રિચમંડ હિલ. આ ફોટામાં તે બ્રાઉન અને બ્લેક ચેકર્ડ શર્ટ અને બ્લેક પેન્ટ પહેરેલો જોવા મળે છે.ખરેખર, સંજય કપૂર ફિલ્મ નિર્માતા સુરિન્દર કપૂરનો પુત્ર છે. ત્રણ ભાઈઓમાં તે સૌથી નાનો છે. તેની રીના મારવાહ નામની એક બહેન પણ છે. બોની કપૂર એક ફિલ્મ નિર્માતા છે, જ્યારે અનિલ કપૂર બોલિવૂડના પ્રખ્યાત અભિનેતા છે.સંજય કપૂરના પરિવારના ઘણા લોકો ફિલ્મ ઈન્ડસ્ટ્રી સાથે જોડાયેલા છે. જેમાં સોનમ કપૂર, અર્જુન કપૂર, જાહ્નવી કપૂર અને હર્ષવર્ધન કપૂરનો સમાવેશ થાય છે. તેણે મહિપ સંધુ સાથે લગ્ન કર્યા છે અને તેના બે બાળકો શનાયા અને જહાન છે.