મુંબઈ: પ્રખ્યાત હિન્દી ફિલ્મ અભિનેતા આયુષ્માન ખુરાનાએ ગણેશ વિસર્જન પછી મુંબઈના વર્સોવા બીચ પર સફાઈ અભિયાન શરૂ કર્યું. અભિનેતાએ કહ્યું, ભવિષ્યમાં પર્યાવરણની સુરક્ષા માટે સતત પ્રયત્નો કરવા મહત્વપૂર્ણ છે.

બીચ સફાઈ અભિયાન દરમિયાન અભિનેતા આયુષ્માન ખુરાનાએ કહ્યું કે, આપણા માટે પર્યાવરણ પર નજર રાખવી અને ભવિષ્ય માટે તેને બચાવવા માટે સતત પ્રયત્નો કરવા ખૂબ જ મહત્વપૂર્ણ છે. આપણે હંમેશા આપણા તહેવારોને ધ્યાનમાં રાખીને ઉજવવું જોઈએ કે તે આપણા ગ્રહને કેવી રીતે અસર કરે છે. આવતીકાલની હરિયાળી માટે આપણે આપણી ક્રિયાઓનું વધુ સારી રીતે આયોજન કરવું જોઈએ.આયુષ્માને અમૃતા ફડણવીસ સાથે તેમાં હાજરી આપી હતી.સફાઈ અભિયાન મહત્વપૂર્ણ હતું કારણ કે મુંબઈના દરિયાકિનારા તહેવારો પછી ઘણીવાર ગંદકીથી ભરાઈ જાય છે અને દરિયાઈ જીવન માટે જોખમ ઊભું કરે છે.તેમણે કહ્યું કે, આજે આટલી મોટી સંખ્યામાં બાળકો અને અમારા યુવાનોને અહીં આવતા જોઈને ઘણો આનંદ થયો. મને એ જાણીને ખૂબ ગર્વ થાય છે કે આપણા દેશની આવતી કાલ આપણા પર્યાવરણના રક્ષણનું મહત્વ સમજે છે અને આજે અહીં આવી છે. તેણે કહ્યું કે સારું કામ ચાલુ રાખો.તમને જણાવી દઈએ કે આયુષ્માન 14 સપ્ટેમ્બરના રોજ 40 વર્ષનો થયો અને ઘણી સેલિબ્રિટીઓએ અભિનેતાને તેના ખાસ દિવસે શુભેચ્છા પાઠવી.