મુંબઇ: બોલિવૂડની સૌથી લોકપ્રિય ફ્રેન્ચાઇઝી ફિલ્મ 'હાઉસફુલ 5' ના ચાહકો આ ફિલ્મની આતુરતાથી રાહ જોઈ રહ્યા છે. આ દરમિયાન, નિર્માતાઓએ ફિલ્મ 'લાલ પરી'નું પહેલું ગીત રિલીઝ કર્યું છે. આ ગીત રિલીઝ થયાના માત્ર ત્રણ કલાકમાં જ 1.3 મિલિયનથી વધુ વ્યૂઝ મળ્યા. આ ગીત ટી-સિરીઝની ઓફિશિયલ યુટ્યુબ ચેનલ પર ઉપલબ્ધ છે.'લાલ પરી' ગીત સિમર કૌર અને યો યો હની સિંહ દ્વારા ગાયું છે, જ્યારે તે રેમો ડિસોઝા દ્વારા કોરિયોગ્રાફ કરવામાં આવ્યું છે. આ ગીતમાં હની સિંહ અને અક્ષય કુમારની જોડી ફરી એક વાર સાથે આવી છે. તમને જણાવી દઈએ કે બંનેએ પહેલા પણ ઘણા હિટ ગીતો આપ્યા છે, જેમાં 'પાર્ટી ઓલ નાઈટ', 'કુડી ચમકીલી', 'બોસ' જેવા ગીતોનો સમાવેશ થાય છે. રિલીઝ થયાના માત્ર ત્રણ કલાકમાં જ, વ્યૂઝમાં વધારો થયો એટલું જ નહીં, તે યુટ્યુબની સંગીત શ્રેણીમાં ચોથા નંબરે ટ્રેન્ડ કરી રહ્યું છે.