મુંબઇ તા.૨૧: સલમાન પોતાની આગામી ફિલ્‍મમાં નેશનલ હિરો બની ગયેલા કર્નલ બિકુમલ્લા સંતોષ બાબુનો રોલ કરવાનો હોવાના અહેવાલો છે. કર્નલ સંતોષ બાબુએ ગલવાન વેલીમાં ભારત અને ચીન સેનાઓ વચ્‍ચે થયેલા સંઘર્ષમાં પોતાના જીવનું બલિદાન આપ્‍યું હતું. આ ફિલ્‍મ ‘શૂટઆઉટ એટ લોખંડવાલા' અને ‘મિશન ઇસ્‍તંબુલ' જેવી ફિલ્‍મ બનાવી ચુકેલા અપુર્વ લાખિયા દ્વારા ડિરેક્‍ટ કરવામાં આવશે. જુલાઈ ૨૦૨૫માં આ શોનું શૂટિંગ શરૂ થશે.

આ ફિલ્‍મ કર્નલ બિકુમલ્લા સંતોષ બાબુના વાસ્‍તવિક જીવન પર આધારીત હશે. ૧૯૬૭ પછી યુદ્ધમાં શહિદ થયેલા તેઓ પહેલા સૈનિક હતા. તેઓ ઘાયલ છતાં લડતા રહ્યા, તેમની બહાદુરીની વાત શિવ અરુર અને રાહુલ સિંઘ દ્વારા ‘ઇન્‍ડિયાઝ મોસ્‍ટ ફિઅરલેસ ૩' પુસ્‍તકમાં કરવામાં આવી છે.

ગલવાનની ખીણોમાં ૧૪ જુન ૨૦૨૦ની લડાઈ દરમિયાન તેઓ શહીદ થયા હતા, ત્‍યાર બાદ તેમને મળત્‍યુપર્યંત મહાવીર ચક્રથી સન્‍માનિત કરવામાં આવ્‍યા હતા, જે ભારતનું બીજા નંબરનો સૌથી મોટો વીરતા પુરસ્‍કાર છે.

સૂત્રના જણાવ્‍યા અનુસાર, ‘‘કર્નલ બાબુએ સતત સૈન્‍ય કાર્યવાહીઓમાં પોતાની વીરતા સાબિત કરી હતી. તેમના પર ફિલ્‍મ બનાવવા માટે ડિરેક્‍ટર દ્વરા પુસ્‍તકના ‘આઈ હેડ નેવર સીન સચ ફિઅર્સ ફાઇટિંગ' પ્રકરણના અધિકારો મેળવી લીધા છે. જૂન ૨૦૨૦માં ગલવાનમાં આ લગત થઈ હતી. પુસ્‍તકમાં આ સમગ્ર લડાઈનું પ્રથમ પુરુષમાં વર્ણન કરવામાં આવ્‍યું છે.'' આ ફિલ્‍મનો સ્‍ક્રિન પ્‍લે સુરેશ નાયર, ચિંતન ગાંધી અને ચિંતન શાહ સાથે મળીને લખે છે, ચિંતમ શાહ આ ફિલ્‍મના ડાયલોગ પણ લખે છે. સુત્રએ આગળ જણાવ્‍યું,‘‘સલમાનને આ ફિલ્‍મ ગમી છે અને મે મહિનાના અંતમાં તેના માટે તૈયારીઓ શરૂ કરી દેશે. તેના પનવેલના ફાર્મહાઉસમાં તેણે આ રોલ માટે ખાસ કસરત પણ શરૂ કરી દીધી છે.''

આ અંગેના કેટલાંક અહેવાલો અનુસાર, ‘‘સલમાન ખાન અને અપુર્વ લાખિયા આ ફિલ્‍મ માટે લેહ-લદાખના ઊંચા પહાડો પર શૂટિંગ કરશે. આ પાત્ર માટે સલમાને બોડી બિલ્‍ડર નહીં પણ એક સરખો બાંધો રાખવો પડશે. તેઓ ૨૦ દિવસ સુધી લદાખમાં શૂટ કરશે અને ૫૦ દિવસ સુધી મુંબઈમાં શૂટ કરશે. આ ફિલ્‍મ ૨૦૨૬ની શરૂઆતમાં રિલીઝ થાય એવી શકયતા છે.''

સુત્રના જણાવ્‍યા અનુસાર, ‘‘સલમાન ખાન પહેલી વખત એક આર્મી ઓફિસરના રોલમાં જોવા મળશે અને આ ફિલ્‍મમાં યુવા પેઢીના ૩ જાણીતા કલાકારો પણ જોડાશે.'' સિકંદર પછી સલમાનની આ વધુ એક દેશભક્‍તિની ફિલ્‍મ હશે, સલમાનને લાગે છે કે આ ફિલ્‍મની સ્‍ક્રિપ્‍ટ જોરદાર અને જકડી રાખે એવી લખાઈ છે, લેહના પહાડો પર યુદ્ધની ઘટના દર્શકોને મોટા પડદે જોવા માટે થિએટરમાં ખેંચી લાવવા માટે સક્ષમ છે.(૩૮.૩)