અભિષેકને આઈ વોન્ટ ટુ ટોક' માટે બેસ્ટ એક્ટરનો એવોર્ડ
આ સિદ્ધિ પર તેના પિતા અને દિગ્ગજ અભિનેતા અમિતાભ બચ્ચને અપાર ખુશી અને ગર્વ વ્યક્ત કર્યો
મુંબઈ તા.૧૯: બોલીવૂડ અભિનેતા અભિષેક બચ્ચને મેલબર્ન ૨૦૨૫ના ભારતીય ફિલ્મ ફેસ્ટીવલમાં ફિલ્મ ‘આઈ વોન્ટ ટુ ટોક' માટે બેસ્ટ એક્ટરનો એવોર્ડ જીત્યો છે. આ સિદ્ધિ પર તેના પિતા અને દિગ્ગજ અભિનેતા અમિતાભ બચ્ચને અપાર ખુશી અને ગર્વ વ્યક્ત કર્યો છે. અમિતાભે પોતાના બ્લોગમાં અભિષેકને પરિવારનું સાચું ગૌરવ ગણાવ્યા છે અને તેની મહેનત અને નિષ્ઠાની પ્રશંસા કરી છે. આ સિદ્ધિ અભિષેકની કારકિર્દીનો એક મહત્વનો સીમાચિﾎ છે, જે લોકોમાં ચર્ચાનો વિષય બન્યો છે.
મેલબર્ન ખાતે યોજાયેલા ભારતીય ફિલ્મ મહોત્સવ ૨૦૨૫માં અભિષેક બચ્ચને ફિલ્મ ‘આઈ વોન્ટ ટુ ટોક' માટે બેસ્ટ એક્ટરનો એવોર્ડ હાંસલ કર્યો છે. આ ફિલ્મમાં તેના એક્ટિંગની ખૂબ પ્રશંસા થઈ છે. એવોર્ડ સ્વીકારતી વખતે અભિષેક ભાવુક થઈ ગયો હતો અને તેણે જણાવ્યું હતું કે ત્રણ વર્ષ પહેલા તે આ જ મંચ પર હાજર હતા અને હવે આ સન્માન મેળવવું તેના માટે ખાસ ક્ષણ છે. તેણે ફિલ્મના ડિરેક્ટર શૂજિત સરકારનો પણ આભાર માન્યો, જેણે આ પ્રોજેક્ટને સફળ બનાવ્યો.
એવોર્ડ મળ્યા બાદ અભિષેકે જણાવ્યું કે આ સન્માન તેના માટે ખૂબ જ ખાસ છે, કારણ કે આ ફિલ્મ તેમના દીલની નજીક છે. તેણે શૂજિત સરકાર અને ફિલ્મની ટીમનો આભાર માન્યો, જેણે આ પ્રોજેક્ટને ખાસ બનાવ્યો. અભિષેકની આ સફળતાએ ફરી એકવાર સાબિત કર્યું છે કે સતત મહેનત અને લગનથી મોટી સફળતાઓ હાંસલ કરી શકાય છે.
(2:10 PM IST)
છેલ્લા 8 દિવસમાં સૌથી લોકપ્રિય 
