મુંબઇ, તા.૧૧: રણવીર સિંહની ફિલ્‍મ ‘ધુરંધર'માં અક્ષય ખન્નાએ રહમાન ડકૈતના રોલમાં શાનદાર ઍક્‍ટિંગ કરીને બધાનાં દિલ જીતી લીધાં છે. આ ફિલ્‍મમાં અક્ષયનો એન્‍ટ્રી વખતનો ડાન્‍સ લોકોને બહુ પસંદ પડ્‍યો છે. ખાસ વાત તો એ છે કે આ ડાન્‍સ કોઈ કોરિયોગ્રાફર દ્વારા તૈયાર કરાયેલો નથી. અક્ષય ખન્નાએ શૂટિંગ દરમ્‍યાન એ પોતાની રીતે કર્યો હતો અને હવે એ દર્શકોનો ફેવરિટ બની ગયો છે. જોકે સોશ્‍યલ મીડિયામાં ચર્ચા છે કે અક્ષયે ડાન્‍સનાં સ્‍ટેપ્‍સ તેના પપ્‍પા વિનોદ ખન્નાએ ૩૬ વર્ષ પહેલાં પાકિસ્‍તાનમાં લાહોરમાં એક ચૅરિટી-ઇવેન્‍ટમાં કરેલાં ડાન્‍સ-સ્‍ટેપ્‍સની કૉપી છે. સોશ્‍યલ મીડિયામાં વિનોદ ખન્નાના જૂના ડાન્‍સનો વિડિયો વાઇરલ થયો છે જેમાં તેની સાથે કેટલાક પાકિસ્‍તાની ક્રિકેટર્સ પણ જોવા મળ્‍યા છે. અક્ષયે આ ડાન્‍સ-સ્‍ટેપ્‍સને ‘ધુરંધર'માં રિપીટ કર્યાં છે